ભારતીય રેલવેએ પર્યાવરણ સુરક્ષાની દિશામાં પગલું ભરવા અને વાયુ પ્રદુષણ અને ધ્વનિ પ્રદુષણ ઘટાડવા માટે End-on-Generation (EOG) ના સ્થાને Head on Generation (HOG) ટેક્નોલોજી ટ્રેનના કોચમાં ફિટ કરી રહ્યા છે જે ટ્રેનની ઉપરની ઈલેક્ટ્રીસીટી લાઈનમાંથી સીધી ઉર્જા ડબ્બાને આપશે.
HOG ટેક્નોલોજી ઇલેક્ટ્રિક લોકોમોટીવ્સમાં જનરેટર કોચનું સ્થાન લઇ લેશે
હાલની EOG સિસ્ટમ 100 ડેસિબલ્સનો કાન ધ્રુજાવી નાખે એવો અવાજ પેદા કરે છે
ભારતીય રેલવે પહેલેથી જ ICF બોગીના સ્થાને LHB બોગી ટ્રેનોમાં ફિટ કરી રહી છે. આ ટ્રેનોમાં બે જનરેટર કોચ સાથે જોડવામાં આવે છે. આ બે કોચ જોડવાને કારણે પ્રતિ ટ્રેન પ્રતિ પ્રવાસ 3000 લીટર ડીઝલ બળે છે જે વાયુ પ્રદુષણ માટે પણ જવાબદાર છે. આ ઉપરાંત આ જનરેટર કોચમાં 100 ડેસીબલનો તીવ્ર ઘોંઘાટ પેદા થાય છે.
Head on Generation (HOG) technology
આ સમસ્યાના નિવારણ માટે Head on Generation (HOG) technologyનો ઉપયોગ કરવામાં આવશે. આ ટેકનોલોજીમાં એક સારી ગુણવત્તાનું કન્વર્ટર બનાવવામાં આવ્યું છે જેણે ડીઝલ જનરેટરનું સ્થાન લીધું છે.
આ ટેક્નોલોજી ઇલેક્ટ્રિક લોકોમોટીવ્સમાં ટ્રેનની ઉપરની ઇલેક્ટ્રિક લાઇન્સના વાયરમાંથી સીધી ઉર્જા લે છે. આ ટેક્નોલોજી વડે ટ્રેન દીઠ વાર્ષિક 10 લાખ લીટર જેટલા ડીઝલની બચત થઈ શકશે.
નોંધનીય છે કે ભારતમાં Chittaranjan Locomotive Works વર્ષોથી ડબ્બા બનાવે છે જેમણે કહ્યં છે કે તેઓ Head on Generation (HOG) technology ફિટ કરેલી હોય તેવા ડબ્બા બનાવવા સક્ષમ છે. રેલવે મંત્રાલયના નિવેદન પ્રમાણે અત્યારે 550થી વધુ લોકોમોટીવ્સમાં અત્યારે Head on Generation (HOG) technology ફિટ કરેલી છે.
એપ્રિલ 2018 થી 5 નવેમ્બર 2019 સુધી 436 ટ્રેનને Head on Generation (HOG) technologyમાં કન્વર્ટ કરવામાં આવી છે. આ આંકડો ભવિષ્યમાં વધુ ઝડપથી વધારવાની યોજના છે.