ભારતીય ટીમે હોકી વર્લ્ડ કપમાં જીત સાથે શરૂઆત કરી છે. પોતાની પ્રથમ મેચમાં હરમનપ્રીત સિંહની આગેવાની હેઠળની ટીમ ઈન્ડિયાએ સ્પેનને 2-0થી હરાવ્યું હતું.
ભારતીય ટીમ હોકીએ વર્લ્ડ કપમાં સ્પેનને 2-0 થી હરાવ્યું
બિરસા મુંડા સ્ટેડિયમમાં ભારત અને સ્પેન વચ્ચે રમાઈ હતી મેચ
આગામી મેચ 15 જાન્યુઆરીએ રમાશે જેમાં ભારત ઈંગ્લેન્ડ સામે ટકરાશે
ભારતીય ટીમે હોકી વર્લ્ડ કપ 2023માં પોતાના અભિયાનની ધમાકેદાર શરૂઆત કરી છે. શનિવારે (13 જાન્યુઆરી)ના રોજ બિરસા મુંડા સ્ટેડિયમમાં રમાયેલી મેચમાં ટીમ ઈન્ડિયાએ સ્પેનને 2-0થી હરાવ્યું હતું. ભારતીય ટીમની જીતમાં અમિત રોહિદાસ અને હાર્દિક સિંહે મહત્વની ભૂમિકા ભજવી હતી, જેમણે પોતાની ટીમ માટે એક-એક ગોલ કર્યો હતો. ભારતીય ટીમ તેની આગામી મેચ 15 જાન્યુઆરીએ ઈંગ્લેન્ડ સામે ટકરાશે.
First game, first win. ✅
Team India began the World Cup with a victory. 🤩🤩💥
અમિત રોહિદાસે ગોલ કરીને ટીમને 1-0ની સરસાઈ અપાવી હતી
ટીમ ઈન્ડિયાને પહેલા ક્વાર્ટરની 11મી મિનિટે પેનલ્ટી કોર્નર મળ્યો, જોકે હરમનપ્રીત ગોલ કરી શક્યો ન હતો. થોડી સેકન્ડ બાદ વિપક્ષી ખેલાડીની ખતરનાક રમતના કારણે ભારતને ફરીથી પેનલ્ટી કોર્નર મળ્યો હતો. આ વખતે ભારતીય ટીમે તકનો લાભ ઉઠાવવામાં કોઈ ભૂલ કરી ન હતી અને અમિત રોહિદાસે ગોલ કરીને ટીમને 1-0ની સરસાઈ અપાવી હતી. ત્યારબાદ રમતની 13મી મિનિટે ભારતને પેનલ્ટી કોર્નર મળ્યો, જેના પર કોઈ ગોલ થયો ન હતો.
પ્રથમ ક્વાર્ટરમાં 1-0થી આગળ ચાલી રહેલી ટીમ ઈન્ડિયાએ બીજા ક્વાર્ટરમાં પણ શાનદાર પ્રદર્શન કર્યું અને વિપક્ષી ટીમ પર સંપૂર્ણ રીતે પ્રભુત્વ જમાવ્યું. ભારતને આક્રમક હોકી રમવાનો ફાયદો રમતની 26મી મિનિટે મળ્યો જ્યારે હાર્દિક સિંહે ફિલ્ડ ગોલ કર્યો. આ રીતે ભારતીય ટીમ મેચમાં 2-0થી આગળ થઈ ગઈ હતી અને હાફ ટાઈમ સુધી આ સ્કોર રહ્યો હતો. જો જોવામાં આવે તો પ્રથમ 30 મિનિટમાં સ્પેનને માત્ર એક પેનલ્ટી કોર્નર મળ્યો, જેના પર તેના ખેલાડીઓ ગોલ કરી શક્યા ન હતા.
હરમનપ્રીત ગોલ કરી શક્યો ન હતો
ત્રીજા ક્વાર્ટરમાં પણ ભારતને ગોલ કરવાની ઘણી તકો મળી હતી. ભારતને રમતની 32મી મિનિટે પેનલ્ટી સ્ટ્રોક પણ મળ્યો હતો, જોકે હરમનપ્રીત ગોલ કરી શક્યો ન હતો. કારણ કે વિરોધી ગોલકીપરે શાનદાર બચાવ કર્યો હતો. ત્યારબાદ 37મી અને 43મી મિનિટે પણ ભારત પેનલ્ટી કોર્નરને ગોલમાં બદલી શક્યું ન હતું. ચોથા ક્વાર્ટર ફાઇનલમાં સ્પેનિશ ટીમને બે પેનલ્ટી કોર્નર મળ્યા, જોકે તે ગોલ કરી શક્યો ન હતો. આ રીતે ભારતે અંતે 2-0થી મેચ જીતી લીધી હતી.
ટીમ ઈન્ડિયા ગ્રુપ-ડીમાં છે
આ વર્લ્ડ કપમાં, દરેક જૂથમાંથી ટોચની ટીમ સીધી ક્વાર્ટર ફાઇનલમાં જશે અને બીજા અને ત્રીજા સ્થાને રહેલી ટીમો વચ્ચે ક્રોસઓવર મેચો થશે. ભારતીય ટીમને સ્પેન, ઈંગ્લેન્ડ અને વેલ્સ સાથે ગ્રુપ ડીમાં રાખવામાં આવી છે. ઇંગ્લેન્ડે પણ પ્રથમ મેચમાં વેલ્સને 5-0થી હરાવ્યું હતું. આર્જેન્ટિના અને ઓસ્ટ્રેલિયાની ટીમો પણ પોતાની પ્રથમ મેચ જીતવામાં સફળ રહી હતી. આર્જેન્ટિનાએ દક્ષિણ આફ્રિકાને 1-0થી હરાવ્યું હતું જ્યારે ઓસ્ટ્રેલિયાએ ફ્રાંસને 8-0થી હરાવ્યું હતું.
ટીમ ઈન્ડિયા 48 વર્ષની રાહનો અંત લાવવા ઈચ્છે છે
ભારતીય પુરૂષ હોકી ટીમ બીજી વખત આ ગેમ્સમાં ગોલ્ડ મેડલ જીતવાનો પ્રયાસ કરી રહી છે. ભારતે અત્યાર સુધી માત્ર એક જ વાર હોકી વર્લ્ડ કપનો ખિતાબ જીત્યો છે. વર્ષ 1975માં અજીતપાલ સિંહની કેપ્ટન્સીમાં ટીમ ઈન્ડિયાને ખિતાબની સફળતા મળી હતી. આ સિવાય ભારતીય ટીમ 1971ના વર્લ્ડ કપમાં બ્રોન્ઝ અને 1973ની ટુર્નામેન્ટમાં સિલ્વર મેડલ જીતવામાં સફળ રહી છે.