સ્પોર્ટસ / હોકી વર્લ્ડકપનો ધમાકેદાર પ્રારંભ: રણવીર સિંહ, દિશા પટણી સહિત આ દિગ્ગજ કલાકારોએ ઓપનિંગ સેરેમનીમાં ધૂમ મચાવી

• હૉકી વર્લ્ડ કપનો રંગારંગ પ્રારંભ
• આ સેલિબ્રિટીઓએ ઓપનિંગ સેરેમનીમાં મચાવી ધમાલ
• દેશ અને વિદેશમાંથી હજારો હૉકી પ્રેમી સાક્ષી બન્યાં

હૉકી વર્લ્ડ કપ પહેલા ઓપનિંગ સેરેમનીનુ આયોજન કરાયું

બુધવારે હૉકી વર્લ્ડ કપ પહેલા ઓપનિંગ સેરેમનીનુ આયોજન કરવામાં આવ્યું. જેમાં બોલીવુડ સેલિબ્રિટીઓએ ધૂમ મચાવી. બુધવારે સાંજે કટકના સુંદર બારાબતી સ્ટેડિયમમાં રંગારંગ ઉદ્ઘાટન સમારોહની સાથે શરૂ થયુ. જેના દેશ અને વિદેશમાંથી હજારો હૉકી પ્રેમી સાક્ષી બન્યાં. સોશિયલ મીડિયામાં હૉકી વર્લ્ડ કપ ઓપનિંગ સેરેમનીની તસ્વીરો અને વીડિયો ટ્રેન્ડમાં રહ્યાં. 

આ મહાનુભાવો સમારોહમાં ઉપસ્થિત રહ્યાં 

કેન્દ્રીય રમત મંત્રી અનુરાગ ઠાકુર, ઓડિશાના મુખ્યમંત્રી નવીન પટનાયક, એફઆઈએચ અધ્યક્ષ તૈયબ ઈકરામ અને હૉકી ઈન્ડિયાના અધ્યક્ષ દિલીપ ટિર્કી બધી 16 સહભાગી ટીમોના સભ્યોના સ્વાગત માટે સમારોહમાં ઉપસ્થિત હતા. બોલીવુડ સ્ટાર રણવીર સિંહ, દિશા પટણી, સિંગર પ્રીતમ સહિત અન્ય ઘણા મોટા સેલિબ્રિટીઓએ અહીં પોતાના શાનદાર પર્ફોમન્સથી પ્રશંસકોનુ દિલ જીત્યુ. સોશિયલ મીડિયામાં રણવીર સિંહ અને દિશા પટણીની તસ્વીરો ઝડપથી વાયરલ થઇ.

India 🇮🇳 is truly excited to be hosting the Hockey World Cup in Odisha !

Hockey has had a timeless tale of mesmerising moments in the hearts of Indians! Wishing the teams the very best !#HWC2023#HockeyComesHome pic.twitter.com/wOQN5xiOfk

— Anurag Thakur (@ianuragthakur) January 11, 2023

કલાકારોએ દર્શકોને મંત્રમુગ્ધ કર્યા

આ કાર્યક્રમમાં ઓડિશાના ગાયક સ્નીતિ મિશ્રા, ઋતુરાજ મોહંતી, લિસા મિશ્રા અને અભિનેતા પતિ-પત્ની સબ્યસાચી મિશ્રા અને અર્ચિતા સાહૂ સહિત ઘણા અન્ય કલાકારોએ પણ દર્શકોને મંત્રમુગ્ધ કર્યા.