આર્થિક સહાય / કોરોના સામેની જંગમાં હોકી ઈન્ડિયા મદદ માટે આવ્યું આગળ, આટલા રૂપિયાનું કર્યું દાન

• કોરોનાના સંકટમાં લોકો દિલ ખોલીને કરી રહ્યાં છે મદદ
• ક્રિકેટરો બાદ હવે હોકી ઈન્ડિયા મદદ માટે આવી આગળ
• કોરોના સામેની જંગમાં આટલા રૂપિયાનું કર્યું દાન

હોકી ઈન્ડિયાના અધ્યક્ષ મોહમ્મદ મુશ્તાક અહમદે એક નિવેદનમાં કહ્યું કે, હાલના સંકટને ધ્યાનમાં રાખીને આપણે સરકારની સાથે ઊભા રહેવાની જરૂર છે. સરકાર કોવિડ -19 રોગચાળા સામે લડવા માટે શક્ય તેટલો પ્રયાસ કરી રહી છે.  જેથી આ મુશ્કેલ સમયમાં આ ચેપ સામે લડવા માટે એકજૂટ થવાની અને દરેકે જવાબદાર નાગરિક તરીકેની ફરજો નિભાવવાની જરૂર છે. 

I appreciate @TheHockeyIndia for contributing Rs 1 Crore towards the #PMCaresFund showing solidarity in India's resolve to fight against the Covid-19 Pandemic. #IndiaFightsCorona pic.twitter.com/Rly0kPhvQy

— Kiren Rijiju (@KirenRijiju) April 4, 2020

વધુમાં તેમણે કહ્યું, 'હોકીને હંમેશાં દેશના લોકો દ્વારા પ્રેમ અને સમર્થન મળ્યું છે. જેથી અમે દેશની પ્રજા આ રોગ સામે લડી શકે તે માટે શક્ય હોય એટલા પ્રયાસ કરવા માંગીએ છીએ. હોકી ઈન્ડિયાના મહાસચિવ રાજિન્દર સિંહે કહ્યું કે, હોકી ઇન્ડિયાએ હંમેશાં કેટલાક સારા કામ માટે મદદ કરી છે અને આ મુશ્કેલ સમયમાં જ્યારે વિશ્વ કોવિડ -19 રોગચાળોનો સામનો કરી રહ્યું છે ત્યારે આપણે આ સંકટ સામે લડવામાં સાથ આપવા માંગીએ છીએ.

હોકી ઈન્ડિયાના સીઇઓ એલેના નોર્મને કહ્યું, 'હોકી ઇન્ડિયા રાષ્ટ્રના લોકો દ્વારા બનાવવામાં આવી છે અને આ સંકટના સમયમાં આપણે દેશ માટે કંઇક કરવું જોઈએ. અમને આશા છે કે એક કરોડ રૂપિયાનું અમારું યોગદાન જરૂરિયાતમંદ લોકોને મદદ કરશે.