મજદૂર સંધના કર્મચારીઓના હોબાળા સમયે RPFએ મહિલા રેલકર્મીને ધક્કો મારતા યુનિયન લીડર આકરા પાણીએ થયા હતા.
રાજકોટ રેલવે ડિવિઝન કચેરીમાં હોબાળો
ડિવિઝન કચેરીમાં હોબાળાનો વીડિયો
પડતર પ્રશ્નોને લઈને ઉગ્ર બની રહ્યું છે આંદોલન
રાજકોટની રેલવે ડિવિઝન કચેરી ખાતે હોબાળો થયો હતો. પોતાની પડતર માગણીઓને લઈ ઉપવાસ પર પણ ઉતર્યા છે. જો કે, ગઈકાલે રેલવે વિભાગના ડિવિઝનલ ઓપરેશન મેનેજર પણ રાજકોટ પહોંચ્યા હતા. જેના કારણે મજદૂર સંઘના કર્મચારીઓએ હોબાળો કર્યો હતો. આ દરમિયાન RPFએ મહિલા રેલકર્મીને ધક્કો મારતા યુનિયન લીડર આકરા પાણીએ થયા હતા. અને RPFની સામે આંગળી ચીંધી ખરીખોટી સંભળાવી હતી.
ઓપરેશન મેનેજર રાજકોટ આવ્યા તે દરમિયાનના હોબાળા સમયે મજદૂર કર્મચારીઓ અને RPF વચ્ચેના ઘર્ષણનો વીડિયો પણ સામે આવ્યો છે. તેમાના એક કર્મચારીએ ઓફિસરને કહ્યું હતું કે, અમારા મહિલા કર્મચારીઓને રોકવા હોય તો તમારી ફોર્સમાં મહિલા પોલીસને બોલાવો, તમે પણ રેલવેના નોકર જ છો. ધક્કા મારવાનો કોઈ અધિકાર તમને નથી. આ સાથે કર્મચારીઓએ સૂત્રોચ્ચાર અને આંદોલન જેવું વાતાવરણ ઉભું કરી દીધુ હતું.