આજે ભારતની આઝાદીનું પર્વ છે. 75 માં સ્વાતંત્ર્ય દિવસ નિમિત્તે આજે જમ્મુ કશ્મીરમાં યુવાનોમાં પ્રભાવ ધરાવતા હિજબૂલના એક આતંકીના પિતાજીએ ભારતીય તિરંગો ફરકાવ્યો હતો.
હિજબૂલ મુજાહિદ્દીનના ભૂતપૂર્વ કમાન્ડર બુરહાન વાનીના પિતા મુઝફ્ફર વાનીએ રવિવારે 75માં સ્વાતંત્ર્ય દિવસ નિમિત્તે આજે ત્રિરંગો ફરકાવ્યો હતો. ઉલ્લેખનીય છે કે તેઓ જમ્મુ કશ્મીરની એક શાળામાં શિક્ષક છે.
રાષ્ટ્રગાન પણ ગાયું
અધિકારીઓના જણાવ્યા અનુસાર મુઝફ્ફર વાની વ્યવસાયે શિક્ષક છે અને તેમણે રવિવારે તરાલ સ્થિત ગર્વમેન્ટ ગર્લ્સ હાયર સેકન્ડરી સ્કૂલમાં ત્રિરંગો લહેરાવ્યો હતો. આ દરમિયાન તેમણે રાષ્ટ્રગાન જન ગણ મન પણ ગયું હતું.
Burhan Wani’s father hoisted tricolor 🇮🇳 at Govt higher School in Tral. He is working as a principal in the school.
Jai Ho 🙏 pic.twitter.com/AWqkQlQt1r
2016 માં બુરહાનને મારવામાં આવ્યો હતો
ત્રાલના રહેવાસી બુરહાન વાની નાનપણથી જ હિજબૂલ મુજાહિદ્દીન સાથે જોડાઈ ગયો હતો. બુરહાને 15 વર્ષની ઉંમરે જ હથિયાર હાથમાં લઇ લીધા હતા. તે સુરક્ષા જવાનોને છેતરવા માટે હંમેશા સેનાના કપડા પહેરીને ફરતો હતો. મોટાભાઇ ખાલીદના મોત બાદ બુરહાને બંદૂક હાથમાં ઉપાડી હતી.
બદલો લેવા જોડાયો હતો હિઝબુલમાં
2010માં બુરહાન પોતાના ભાઇ ખાલીદ અને મિત્ર સાથે બાઇક પર જતો હતો.અને તે સમયે પોલીસે તેમને અટકાવ્યા હતા અને તેમને માર માર્યો હતો. જેના કારણે ખાલીદ બેભાન થઇ ગયો હતો. તો બુરહાન ભાગી નીકળ્યો હતો. જો કે ભાગતી વખતે તેણે કહ્યું હતું કે તે બદલો લેવા માટે પાછો આવશે.. અને તેના પછી તે હિજબુલમાં જોડાઇ ગયો.