સંશોધન / હવે આગામી ચાર-પાંચ વર્ષમાં એઇડ્સથી મળશે છુટકારો

એક સમયે દુનિયાભરમાં ફફડાટ મચાવનાર અને હજારો લોકોનો ભોગ લેનાર એઇડ્સની હવે ખાસ ચર્ચા નથી. નવી પાવરફુલ દવા, લોકોમાં આવેલી જાગૃતિના કારણે મૃત્યુઆંક ખાસો ઘટ્યો છે. તેમ જ એચઆઇવી પોઝિટીવ (HIV Positive) દર્દીઓની સંખ્યા પણ ઘટી રહી છે. તેમ છતાં રોગ હજુ પણ જીવલેણ ગણાય છે. એઇડ્સ (AIDS) ના દર્દીઓને ટીબી સહિતની વિવિધ બિમારીઓનો ખતરો અનેકગણો વધુ હોય છે કેમ કે તેમની રોગ પ્રતિકારક શક્તિ સાવ ઓછી થઇ જાય છે. 

એઇડ્સના બેકટેરિયા સીધા દર્દીની રોગપ્રતિકારક શકિત પર હુમલો કરે છે. જો કે હવે ચાર-પાંચ વર્ષમાં એઇડ્સની પણ રસી મળતી થાય તેવી આશા જાગી છે.  ખ્યાતનામ કંપની જોહન્સન એન્ડ જોહન્સનના સંશોધકોએ એઇડ્સની રસી બનાવી છે. જેનું પરીક્ષણ હવે શરુ થશે. આ રસી એઇડ્સના વિવિધ વાયરસ સામે લડીને દર્દીની રોગપ્રતિકારક શકિતમાં વધારો કરશે. રસીના પ્રાણીઓ પર કરાયેલા ત્રીજા ભાગના પરીક્ષણને સફળતા મળી છે.

તેનો અર્થ એ કે રસી દરેક દર્દીને હજુ સો ટકા રક્ષણ આપી શકે તેમ નથી. તેમ છતાં દર્દીને એઇડ્સ સામે લડવામાં ખાસ્સી મદદરુપ થઇ શકે છે. આ વર્ષે હવે 3800 જેટલા એચઆઇવી પોઝીટીવ દર્દીઓ પર રસીનું પરીક્ષણ શરુ કરાશે.  દર્દીઓની પસંદગી પણ યુરોપ, અમેરિકામાંથી કરાશે. દરેક દર્દીને રસીના છ ડોઝ અપાશે. સંશોધકોના જમાવ્યા મુજબ પરીક્ષમ 2023 સુધી ચાલશે. રસી માનવી પર કેટલી સફળ થશે તે સમય બતાવશે પરંતુ સંશોધકોના મતે એઇડ્સને રોકવાની દિશામાં આ એક મહત્વનું પગલું છે. દુનિયાની અન્ય કેટલીક ફાર્માસ્યુટિકલ કંપનીઓ પણ એઇડ્સની રસી બનાવવા પ્રયાસ કરી રહી છે. જોકે તેની કોઇ વિગતો હજુ સુધી બહાર આવી નથી. પરંતુ આગામી પાંચ વર્ષમાં રસીમાં સફળતા મળે તેવી પુરી શકયતા છે.