ગાંધીનગર: ભાજપના MLA હિતુ કનોડિયા વિવાદમાં સપડાયા છે. તેમના નામ બે મતદાર યાદીમાં ચાલતા હલવાની વાત સામે આવી છે. જેને લઈને તપાસ કરાઈ રહી છે. મુંબઇ અને અમદાવાદની મતદાર યાદીમાં હિતુ કનોડિયાનું નામ હોવાની વાત સામે આવી છે.
ઉલ્લેખનીય છે કે ચૂંટણીપંચ દ્વારા હાલ આ મામલે તપાસ શરૂ કરાઈ છે. જો કે આ મામલે હિતુ કનોડિયાએ તાજેતરમાં સ્પષ્ટતા કરી છે. કનોડિયાએ કહ્યું હતુ કે મુંબઈની મતદાર યાદીમાં તેમનું નામ રદ કરવાની અરજી કરી હતી. જ્યારથી તે ગુજરાત રહેવા આવ્યા છે ત્યારથી ગુજરાતમાં જ મતદાન કરી રહ્યા છે.
ઉલ્લેખનીય છે કે ગુજરાતી ચિત્રપટના જાણીતા અભિનેતા નરેશ કનોડિયાના પુત્ર અને ભાજપના ધારાસભ્ય હિતુ કનોડિયા મતદાર યાદીમાં 2 નામને લઇને વિવાદમાં સપડાયા છે. તેઓ પહેલા મુંબઇ રહેતા હોઇ ત્યાંની મતદાર યાદીમાં તેમનું નામ હતું જો કે ત્યારબાદ તેઓ અમદાવાદ રહેવા આવતા અમદાવાદની મતદાન યાદીમાં પણ તેમનું નામ આવતા વિવાદ સર્જાયો હતો.