રાજ્યમાં દિવસેને દિવસે હિટ એન્ડ રનની ઘટના વધી રહી છે, આજે હિટ અન્ડ રનની ઘટના આણંદથી સામે આવી છે. આણંદના વઘાસી ઓવરબ્રિજ નજીક અજાણ્યો કારચાલક મહિલાને અડફેટે લીધી છે.
આણંદમાં હીટ એન્ડ રન ઘટના
આણંદના વઘાસી ઓવરબ્રિજ નજીક અજાણ્યો કારચાલક મહિલાને અડફેટે લીધી છે. અજાણ્યો કારચાલક મહિલાને અડફેટે લઈ ફરાર થઈ ગયો છે. હાઈવે ક્રોસ કરતી મહિલાને અડફેટે લેતા મહિલાનું મૃત્યુ થયું હતું. મહિલા શાકભાજી અને સામાન ખરીદીને ઘરે પરત જતી હતી સમગ્ર ઘટના સર્જાઈ હતી. કારની ટક્કરે મહિલા 20 ફૂટ દૂર ફંગોળાઈ હતી. ઘટનાની જાણ થતા પોલીસે કાર્યવાહી હાથધરી છે.
વડોદરા ભરથાણા ટોલ બુથ પર અકસ્માત
વડોદરાના ભરથાણા ટોલ બુથ પર અકસ્માત સર્જાયો છે. વડોદરાના કરજણ પાસેના ભરથાણા ટોલ બુથ પર ટ્રક ચાલકે કાબૂ ગુમાવતા ટ્રક ટોલ બુથમાં ઘુસી ગઈ હતી. પૂરપાટ ઝડપે આવતી ટ્રક જોઈ કર્મચારીઓમાં નાશભાગ મચી જવા પામી હતી. અકસ્માતની સમગ્ર ઘટના CCTVમાં કેદ થઈ છે. સદનસીબે અકસ્માતની ઘટનામાં કોઇ જાનહાનિ થઈ નથી.