ચીફ જસ્ટીસ ઓફ ઇન્ડિયા એન.વી. રમનાએ ગુજરાત હાઇકોર્ટના લાઇવ સ્ટ્રીમિંગનું ઉદ્ઘાટન કર્યું અને સાથોસાથ તેના માટેના નિયમો પણ જાહેર કર્યાં હતા.
દેશમાં પ્રથમ ગુજરાત હાઇકોર્ટે લાઈવ સ્ટ્રિમિંગ શરુ કર્યું
હવે ગુજરાત હાઈકોર્ટની કામગીરીનુ લાઈવ સ્ટ્રિમિંગ થશે
ગુજરાત હાઇકોર્ટની વેબસાઇટ પરથી લિંક મળી રહેશે
હવેથી ગુજરાત હાઈકોર્ટમાં ચાલતી કામગીરીને ઘરે બેઠા નિહાળી શકાશે એટલું જ નહીં તેમાં જે ચુકાદાઓ અને દલીલો કરવામાં આવે છે તેને લાઈવ પણ જોઈ શકાશે લાઈવિ સ્ટ્રિમિંગના માધ્યમથી કોર્ટની દલીલો અને કાર્યવાહીને સાંભળી શકાશે.
ગુજરાત હાઈકોર્ટની કામગીરીનુ લાઈવ સ્ટ્રિમિંગ થશે
કોર્ટની કાર્યવાહી મોટી સંખ્યામાં લોકો જોઇ શકે તે માટે ગુજરાત હાઇકોર્ટે સમગ્ર દેશમાં પ્રથમ વખત હાઇકોર્ટની કામગીરીનું લાઇવ સ્ટ્રીમિંગ શરૂ કરવાનો નિર્ણય કર્યો છે. ઓક્ટોબર, 2020થી ગુજરાત હાઇકોર્ટની ફર્સ્ટ કોર્ટની કામગીરીનું યુટ્યૂબ પર લાઇવ સ્ટ્રીમિંગ થતું હતું અને અત્યાર સુધીમાં તેને લગભગ 41 લાખ જેટલા વ્યૂઝ મળ્યાં છે. હવે ગુજરાત હાઇકોર્ટની અન્ય કોર્ટ પણ પોતાની કામગીરીનું લાઇવ સ્ટ્રિમિંગ કરી શકશે. ચીફ જસ્ટીસ ઓફ ઇન્ડિયા એન.વી. રમનાએ ગુજરાત હાઇકોર્ટના લાઇવ સ્ટ્રીમિંગનું ઉદ્ઘાટન કર્યું હતું અને સાથોસાથ તેના માટેના નિયમો પણ જાહેર કર્યાં હતા.
દેશમાં પ્રથમ ગુજરાત હાઇકોર્ટે લાઈવ સ્ટ્રિમિંગ શરુ કર્યું
ગુજરાત હાઇકોર્ટના રજિસ્ટ્રાર (આઇટી) અશોક ઉકરાણીએ જણાવ્યું હતું કે, "ઓપન કોર્ટ માટે 2018મા સુપ્રીમ કોર્ટે ચૂકાદો આપ્યો હતો ત્યારબાદ ગુજરાત હાઇકોર્ટ પ્રથમ છે જેણે લાઇવ સ્ટ્રીમિંગ શરૂ કર્યું છે. આ એક ઐતિહાસિક ક્ષણ છે જ્યારે ગુજરાતે પોતાનું નામ અંકિત કર્યું છે. ગુજરાત હાઈકોર્ટની કાર્યવાહીના લાઈવ સ્ટ્રિમિંગ એક ઐતિહાસિક ક્ષણ બની ગઈ છે. ગુજરાત હાઈકોર્ટના રજિસ્ટ્રાર અશોક ઉકરાણીએ જણાવ્યું કે ફિઝિકલ કોર્ટ શરૂ થશે ત્યારે પણ કોર્ટનું લાઈવ સ્ટ્રિમિંગ ચાલુ રહેશે. અત્યાર સુધીમાં ગુજરાત હાઈકોર્ટે યુટ્યૂબ ચેનલ પર લાખો વ્યૂ મેળવી લીધા છે. ગુજરાત હાઇકોર્ટની વેબસાઇટ પર પણ આ લાઇવ સ્ટ્રીમિંગની લિન્ક ઉપલબ્ધ બનશે.
ગુજરાત હાઇકોર્ટ ની વેબસાઇટ પર પણ લિંક મળશે
સોમવારથી ગુજરાત હાઇકોર્ટની અન્ય કોર્ટની કામગીરીનું પણ યુટ્યૂબ પર લાઇવ સ્ટ્રીમિંગ થશે. નાગરિકો પોતાના ઘરે બેઠાં વકીલોની દલીલો, કોર્ટની કામગીરી અને જજના ચૂકાદા જોઇ-સાંભળી શકે તે માટે આ શરૂઆત કરવામાં આવી છે. ગુજરાત હાઇકોર્ટની વેબસાઇટ પર પણ આ લાઇવ સ્ટ્રીમિંગની લિન્ક ઉપલબ્ધ બનશે. જ્યારે કોર્ટ ફિઝિકલ શરૂ થશે ત્યારે પણ લાઇવ સ્ટ્રીમિંગ ચાલુ રાખવામાં આવશે."