વડોદરાઃ મહાનગરપાલિકા દ્વારા 1983માં સંપાદન કરવામાં આવેલી જમીનનુ વળતર આપવા માટે કોર્ટે એતિહાસિક ચુકાદો આપ્યો છે. કોર્ટે ચુકાદો આપતા મહાનગરપાલિકાની જંગમ મિલ્કતો જપ્ત કરવાનો આદેશ આપ્યા છે. કોર્ટે મેયર અને કમિશ્નરની કાર ખુરશી સહિતની જંગમ મિલ્કતો જપ્ત કરવાના આદેશ આપ્યા છે.
મહત્વનુ છે કે 1983માં રોડ બનવવા માટે સંપાદન કરવામાં આવેલી જમીનનુ વળતર ચુકવવા માટે અરજદારે કોર્ટમાં અરજી કરી હતી. આ મામલે 24 માર્ચ 2017ના રોજ કોર્ટે મહાનગર પાલિકાને 15 ટકાના વ્યાજ કુલ 1 કરોડ 15 લાખ ચૂકવવાનો આદેશ કર્યો હતો.
કોર્ટના આદેશ બાદ પણ નાણા ન મળતા અરજદાર દ્વારા ફરી એક વખત કોર્ટમાં અરજી કરવામાં આવી. ત્યારે હવે કોર્ટે આ બાબત ગંભીર નોંધ લઈને મહાનગરપાલિકાની જંગમ મિલકતો જપ્ત કરવાનો આદેશ આપ્યો છે. જેમા મેયર ડેપ્યુટી મેયર કમિશ્નર ડેપ્યુટી કમિશ્નરની કાર અને ઓફિસની મિલ્કતો જપ્ત કરવાનો આદેશ આપ્યો છે.
3 મહિના સુધી વળતર ન ચુકવાતા કોર્ટે ગંભીર નોંધ લીધી હતી. કોર્ટના આદેશ બાદ મનપાના અધિકારીઓ બેઠકમાં ચર્ચા કરશે. વડોદરા મનપા કોર્ટના આદેશનો કેમ કર્યો અનાદર ? મનપાના અધિકારીઓની દાદાગીરી ક્યા સુધી ચાલશે? અરજદારને મનપા દ્વારા કેમ વળતર અપાયુ નથી? કોર્ટના આદેશ બાદ પણ મનપાના અધિકારીઓ મિટિંગ કરશે. અરજદારને જમીન સંપાદનનુ ક્યારે વળતર મળશે?