ન્યુઝીલેન્ડના બેય ઓવલમાં રમાઈ રહેલી પાંચમી અને છેલ્લી T20 જીતીને 5-0થી વ્હાઇટવોશ કરીને ભારતે ઇતિહાસ રચી દીધો છે. નોંધનીય છે કે આ સિરીઝની 5 માંથી 2 T20 સુપર ઓવર સુધી ગઈ હતી. ભારતે ઇતિહાસમાં પ્રથમ વખત ન્યુઝીલેન્ડની ધરતી ઉપર T20 સિરીઝ જીતી છે.
પાંચમી T20માં ભારતે પ્રથમ બેટિંગમાં 3 વિકેટે 163 રન નોંધાવ્યા હતા. આ સ્કોરમાં K L રાહુલે 33 બોલમાં 4 ચોગ્ગા અને 2 છગ્ગા સાથે 45 રન નોંધાવ્યા હતા. કેપ્ટન રોહિત શર્મા એ 41 બોલમાં ઝંઝવાતી ઇનિંગ્સ રમતા 60 રન કર્યા હતા જેમાં 3 છગ્ગા અને 3 ચોગ્ગાનો સમાવેશ થાય છે. આ ઉપરાંત શ્રેયસ ઐયરે 33 રન નોંધાવ્યા હતા.
ન્યુઝીલેન્ડના પક્ષે સિનિયર બેટ્સમેન રોસ ટેલરે 53 રન અને ટીમ સેઈફર્ટે 50 રન નોંધાવ્યા હતા. આ સિવાયના તમામ બેટ્સમેન નિષ્ફ્ળ રહ્યા હતા. જસપ્રીત બુમરાહે 3 વિકેટ ખેરવી હતી. એક સમયે ટેલર અને સેઈફર્ટની પાર્ટનરશીપ જોતા ન્યુઝીલેન્ડની જીત આસાન લગતી હતી. જો ત્યારબાદ ન્યુઝીલેન્ડની સસ્તામાં વિકેટો પડી ગઈ હતી.
છેલ્લી ઓવરમાં ઈશ સોઢીએ 2 છગ્ગા મારીને ફટકાબાજીથી ભારતીય ટીમને ચિંતામાં મૂકી હતી. જો કે ન્યુઝીલેન્ડનો પનો ટૂંકો પડ્યો હતો અને ભારતની 7 વિકેટે જીત થઇ હતી.