SHORT & SIMPLE / ઐતિહાસિક જીત: તાપી-સોનગઢ APMC ચૂંટણીમાં પ્રથમવાર લહેરાયો ભાજપનો ભગવો, 15માંથી માત્ર એક બેઠક AAPના ફાળે

• તાપી સોનગઢ એપીએમસીની ચૂંટણીનું પરિણામ જાહેર
• 15 બેઠકોમાંથી 14 બેઠકો પર ભાજપનો કબ્જો
• ભાજપ સમર્થિત 14 ઉમેદવારો વિજયી

તાપી સોનગઢ APMC ની ગતરોજ વ્યવસ્થાપક સમિતિની ખેડૂત મત વિભાગ અને ખરીદ વેચાણ વિભાગની સામાન્ય ચૂંટણી ગત રોજ શાંતિપૂર્ણ માહોલમાં યોજાઈ હતી. આજે ચૂંટણીની મતગણતરી યોજાઈ હતી. જેમાં 15 બેઠકોમાંથી 14 બેઠકો પર ભાજપે કબ્જો મેળવ્યો છે. 

15 માંથી 14 બેઠકો પર ભાજપનો કબ્જો જ્યારે એક બેઠક પર AAP જીત્યું
તાપી સોનગઢ APMC ની ચૂંટણીનું પરિણામ આજે જાહેર થવા પામ્યું છે. જેમાં 15 બેઠકોમાંથી 14 બેઠકો પર ભાજપે કબ્જો જમાવ્યો છે. ત્યારે ભાજપ સમર્થીત 14 ઉમેદવારો વિજયી થયા છે.  જ્યારે ખરીદ વેચાણ વિભાગમાં AAP  ના ઉમેદવારનો વિજય થયો છે. 15 માંથી માત્ર એક બેઠક પર AAP ના અરવિંદ ગામીત વિજયી થયા છે. ત્યારે ઈતિહાસમાં સૌ પ્રથમવાર સોનગઢ APMC પર ભાજપનો ભગવો લહેરાયો છે.

ભાજપનાં કાર્યકરોએ આતિશબાજી કરી જીતની ઉજવણી કરી
તાપી સોનગઢ APMC માં ભાજપ સમર્થિત પેનલનો વિજય થતા વિજયી થયેલા ઉમેદવારોને લોકોએ શુભેચ્છા પાઠવી હતી. ત્યારે કાર્યકરોએ વિજયી થયેલા ઉમેદવારોને હાર પહેરાવી તેમજ આતિશબાજી કરી જીતની ઉજવણી કરી હતી.