એર ઇન્ડિયાની મહિલા પાયલટની ટીમે દુનિયાની સૌથી લાંબા હાવાઇ માર્ગ ઉત્તર ધ્રુવ પર ઉડાન ભરીને નવો ઇતિહાસ સર્જી દીધો. આ મહિલાઓએ 16000 કિમી ઉડાન ભરીને બેંગ્લોર પહોંચી છે. 16 હજાર કિમીની આ ઉડાનની કેપ્ટન ઝોયા અગ્રવાલ લીડ કરી રહી હતી. મિનિસ્ટર હરદીપ સિંહ પુરીએ પણ આ વાતને ધ્યાનમાં લીધી અને ટ્વિટ કરી હતી.
ઐતિહાસિક સફર ખેડીને બનાવ્યો રેકોર્ડ
16000 કિમી હવાઇ ઉડાન ભરી
મહિલા સ્ટાફ દ્વારા ઉડાનને અપાયો અંજામ
મહત્વનું છે કે વિમાન નોર્થ પોલ ઉપરથી પસાર થઇને ભારત પહોંચી ગયુ છે. ઝોયા તે જ પાયલટ છે જેમણે 2013માં બોઇંગ-777 વિમાન ઉડાવ્યું હતું. તે વખતે આ વિમાન ઉડાવનાર સૌથી યુવાન પાયલટ બની ગઇ હતી. તે જ કારણ છે કે આ વખતે પણ આ જવાબદારી તેમને આપવામાં આવી હતી. કો-પાયલટ તરીકે ઝોયા સાથે કેપ્ટન પાપાગરી તનમઇ, કેપ્ટન શિવાની અને કેપ્ટન આકાંક્ષા સોનવરે હતા.
એર ઇન્ડિયાએ ટ્વિટ કરીને લખ્યું કે, વેલકમ હોમ, કેપ્ટન ઝોયા, શિવાની અને આકાંક્ષા. એર ઇન્ડિયા માટે આ પળ ગૌરવવન્તિ છે. અમે AI176ના પેસેન્જર્સને પણ અભિનંદન આપીએ છીએ, જે આ ઐતિહાસિક સફરના સાક્ષી બન્યા.
#FlyAI : Welcome Home
Capt Zoya Agarwal, Capt Papagiri Thanmei, Capt Akanksha & Capt Shivani after completing a landmark journey with touchdown @BLRAirport.
Kudos for making Air India proud.
We also congratulate passengers of AI176 for being part of this historic moment. pic.twitter.com/UFUjvvG01h
17 કલાકથી વધારેની ઉડાન
આ હવાઇ રૂટ પર 17 કલાકથી પણ વધારેનો સમય લાગે છે. ઉડાનના દિવસે હવાની ગતિ સફરના સમયને નિર્ધારિત કરે છે. આ રૂટ શરૂ થવા પર એર ઇન્ડિયાને આર્થિક રૂપથી રાહત થશે. એર ઇન્ડિયા ભારતમાં કોઇ પણ એરલાઇન તરફથી સંચાલીત થનારી સૌથી લાંબી કોમર્શિયલ ફ્લાઇટ છે.
વિમાન 777-200LR VT ALG સાથે થઇ શરૂઆત
બંને શહેરો વચ્ચે આ વિમાન સેવા 777-200LR VT ALG સાથે સંચાલિ થશે. આ વિમાનમાં 238 સીટની વ્યવસ્થા છે. જેમાં 8 પ્રથમ શ્રેણી, 3 બિઝનેસ ક્લાસ, 195 ઇકોનોમી અને તે સિવાય 4 કોકપિટ, 12 કેબિન ક્રુની સીટ છે. ઉડાનનું સંચાલન મહિલા ક્રુ દ્વારા જ કરવામાં આવશે.