IPLIN
 
  • Home
  • Sports
  • OMG
  • This historic event took place in the history of one-day history

ક્રિકેટ / વન-ડેના ઈતિહાસમાં પ્રથમ વખત બની આ ઐતિહાસિક ઘટના

Team VTV 05:44 PM, 27 Apr 19 | Updated: 10:46 PM, 27 Apr 19
Follow us
This historic event took place in the history of one-day history

ઓસ્ટ્રેલિયાની ક્લેયર પોલોસાક પુરૂષ વનડે મેચમાં અમ્પારિંગ કરવાવાળી પ્રથમ મહિલા બની ગઇ છે. નામીબિયા અને ઓમાન વચ્ચે રમાનાર ICC વર્લ્ડ ક્રિકેટ લીગ ડિવિઝન-2ની ફાઇનલ મેચમાં 31 વર્ષીય ક્લેયરને આ તક સાંપડી છે. આ પહેલા મહિલાઓની 15 વનડે મેચમાં તેણી અમ્પાયરિંગ કરી ચૂકી છે. 

ICC ગઇકાલે કરી હતી સત્તાવાર જાહેરાત
આઈસીસી વર્લ્ડ ક્રિકેટ લીગ ડિવિઝન-2 દરમિયાન નામીબિયા અને ઓમાન વચ્ચે રમાઈ રહેલા ફાઇનલ મેચમાં ઓસ્ટ્રેલિયાની ક્લેયર પોલોસાક પુરૂષ વનડે મેચમાં અમ્પાયરિંગ કરનાર પ્રથમ મહિલા બની છે. 31 વર્ષની મહિલા અમ્પાયર ક્લેયર મહિલાઓના 15 વનડે મેચોમાં પહેલા અમ્પાયરિંગ કરી ચૂકી છે. 

ઉત્સાહિત થઇ ક્લેયર
આ તક મળતા ખુશ થયેલ ક્લેયરે કહ્યું હતું કે, હું પુરૂષોની વનડે મેચમાં અમ્પાયરિંગ કરવાવાળી પ્રથમ મહિલા બનીને ઉત્સાહિત છું. એક અમ્પાયરના રુપમાં મેં લાંબો સમય સફર નક્કી કરી છે. આ સાથે જ મહિલા અમ્પાયરોને પ્રમોટ કરવા પણ મહત્વપૂર્ણ બાબત છે અને મહિલાઓ પણ નિશ્ચિતરૂપે અમ્પાયરિંગ કરી શકે છે.

2015માં મહિલા ટી-૨૦ વર્લ્ડકપ માટે 4 મહિલાઓની કરાઇ હતી જાહેરાત 
આઇસીસી મહિલા ટી-૨૦ વિશ્વકપ માટે ૨૮ નવેમ્બરથી પાંચ ડિસેમ્બર વચ્ચે યોજાયેલ ક્વોલિફાઇંગ ટૂર્નામેન્ટમાં ક્રિકેટના ઇતિહાસમાં પહેલી વાર મહિલા અમ્પાયર જોવા મળ્યા હતા. 

આઇસીસીએ આ અંગે જાહેરાત કરતાં કહ્યું કે હતું કે, ક્વોલિફાઇંગ ટૂર્નામેન્ટ માટે ચાર મહિલા અમ્પાયરની નિમણૂક કરી દેવામાં આવી છે. ન્યૂઝીલેન્ડની અનુભવી ખેલાડી કેથલીન ક્રોસ, ઓસ્ટ્રેલિયાની ક્લેયર પોલોસાક, ઈંગ્લેન્ડની સ્યૂ રેડફર્ન અને વેસ્ટ ઇન્ડીઝની જેકલીન વિલિયમ્સ એ ચાર મહિલા અમ્પાયર હશે, જે આ ટૂર્નામેન્ટમાં ઇતિહાસ રચશે.

one-day cricket
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ