હરિયાણા / વર્લ્ડ રૅકોર્ડ બનાવનારી ભેંસ સરસ્વતી વેચાઈ ચોંકાવનારી કિંમતમાં, ખેડૂતે આ ડરને કારણે વેચી દીધી

• ભેંસ ચોરાઈ જવાના ભયથી વેચવી પડી 
• થોડા દિવસ પહેલાં જ પાકિસ્તાનની ભેંસનો તોડ્યો હતો રેકોર્ડ 
• ભેંસ વેચ્યા પહેલાં યોજાયો સંમેલન 

સુખબીર પોતાની ભેંસ વેચવાના ન હતા. પરંતુ આસપાસનાં વિસ્તારમાં ભેંસ ચોરીનાં બનાવ વધી રહ્યા હતા. પડોશમાં જ બે ભેંસની ચોરી બાદ પોતાની ભેંસ પણ ચોરાઈ જવાનો બાહ્ય વધતા તેમણે પોતાની ભેંસ વેચવાનો નિર્ણય લીધો. ગયા વર્ષે જ આ ભેંસે વિશ્વ રેકોર્ડ પોતાના નામે કર્યો હતો. હિસારની ભેંસ હવે પંજાબની શાન વધારશે. 

ભેંસ વેચતા પહેલાં ખેડૂત સંમેલનનું આયોજન કરવામાં આવ્યું હતું. આ સંમેલનમાં હિસાર, રાજસ્થાન, ઉત્તરપ્રદેશ અને પંજાબના 700 ખેડૂતો સામેલ થયા. આ ભેંસ સુખબિરે એક લાખ ત્રીસ હજારમાં ચાર વર્ષ પહેલાં ખરીદી હતી. તે બાદ ભેંસે ઘણા બચ્ચાઓને પણ જન્મ આપ્યો. જેટલા રૂપિયામાં ભેંસ ખરીદવામાં આવી હતી લગભગ એટલાં જ રૂપિયા દૂધ વેચીને પ્રાપ્ત થઇ ગયા. 

આ ભેંસની સૌથી ખાસ વાત એ છે કે સરસ્વતીએ થોડા દિવસ પહેલાં 33.131 કિલો દૂધ આપીને વિશ્વ રેકોર્ડ બનાવ્યો હતો. લુધિયાણામાં ડેરી એન્ડ એગ્રી એક્સ્પો યોજાયો હતો. આ એક્સ્પોમાં ભેંસે 33.131 કિલો દૂધ આપીને વિશ્વ રેકોર્ડ બનાવ્યો હતો, જે બાદ ભેંસના માલિકને 2 લાખ રૂપિયાનાં ઈનામથી સન્માનિત કરવામાં આવ્યા હતા. આ પહેલાં આ રેકોર્ડ પાકિસ્તાનની ભેંસનાં નામે હતો.