હિન્દુસ્તાની ભાઉને કોરોના લોકડાઉનના નિયમ તોડવાના આરોપમાં દબોચવામાં આવ્યા છે. હિન્દુસ્તાની ભાઉએ શુક્રવારે જ સોશ્યલ મિડીયા દ્વારા બીજા દિવસે વિરોધ પ્રદર્શન કરવાની જાણકારી આપી હતી.
હિન્દુસ્તાની ભાઉ 12મા બોર્ડ સહિત બધી પરીક્ષાઓ કેન્સલ થાય તેની માગ કરી રહ્યાં હતા. પોલીસથી બચવા માટે ભાઉએ એક એમ્બ્યુલન્સની સગવડ કરી અને બાદમાં શીવાજી પાર્ક પહોંચી ગયા હતા. તેણે આવું એટલા માટે કર્યુ કે પોલીસ તેને રોકી ન શકે પરંતુ પોલીસને આ વાતની જાણ થઇ તો ભાઉને પોલીસ કસ્ટડીમાં લેવામાં આવ્યો હતો.
મીડીયાની હાજરીમાં એકવાર ફરી હિન્દુસ્તાની ભાઉએ પોતાની માગ કહી હતી. તેણે કહ્યું કે મહામારીને જોતા 12મા સહિત બધી પરિક્ષાઓને બંધ રાખવી જોઇએ. જો કે પોલીસ ભાઉની આ હરકતને માત્ર પબ્લિસીટી માની રહી છે અને એમ્બ્યુલન્સનો ખોટો ઉપયોગ કરવામાં આવી રહ્યો છે. પોલીસે કહ્યું કે જલ્દી જ ફરિયદ દાખલ કરીને તેની ધરપકડ કરવામાં આવશે.
એકતાને ઍવોર્ડ પરત કરવા કહ્યું હતુ
હિન્દુસ્તાની ભાઉએ એકતા કપૂરની XXX સિરીઝ પર કમ્પલેઇન કરી હતી. એકતા કપૂરની સિરીઝનો વિવાદ ગરમાતો જાય છે. ભાઉએ એકતા પર ઇન્ડિયન આર્મીના અપમાનનો આરોપ લગાવ્યો છે. સાથે જ તેમણે કહ્યું છે કે તે પોતાને મળેલુ પદ્મશ્રી સન્માન પરત કરે અને માફી માંગે.
હિન્દુસ્તાની ભાઉ એક વિડીયોમાં એકતા કપૂર પર નિશાન સાધી રહ્યાં છે. ભાઉએ કહ્યું કે જ્યારથી તેમણે કમ્પલેઇન કરી છે ત્યારથી મોટા મોટા લોકોના તેમને ફોન આવી રહ્યાં છે. તેઓ કહી રહ્યા છે કે, ભાઉ જવા દો ને, બેસીને વાત કરીએ વગેરે વગેરે. ભાઉએ જવાબ આપ્યો કે આ મામલે બેસીને વાત નહી થાય એકતા કપૂર તેમજ તેમની માતા શોભા કપૂર પહેલા ભારતીય જવાનોની માફી માંગે.
બાદમાં ભાઉએ એકતાને મળેલા આ સન્માન પર સવાલ ઉઠાવ્યા અને કહ્યું કે એકતાએ એવું શું યોગદાન આપ્યું છે જેના માટે તેને આ સન્માન મળી રહ્યું છે. દેશના જવાનો અને તેમના પરિવારને આ સન્માન મળવું જોઇએ.
ભાઉએ અદનાન સામીને મળેલા પદ્મશ્રી પર પણ સવાલ ઉઠાવ્યા હતા. ભાઉ બિગબોસમાં આવ્યા બાદ ઘરે ઘરે જાણીતા બની ગયા છે. હવે એકતા કપૂર માફી માંગે છે કે નહી તે જોવું રહ્યું.