વિવાદ / હિન્દુસ્તાની ભાઉના નિશાને એકતા કપૂર, કહ્યું પદ્મશ્રીને લાયક નહી સન્માન કરે પરત

• એકતા કપૂરને લીધી આડેહાથ
• ભાઉ VS એકતા

હિન્દુસ્તાની ભાઉએ એકતા કપૂરની XXX સિરીઝ પર કમ્પલેઇન કરી હતી. એકતા કપૂરની સિરીઝનો વિવાદ ગરમાતો જાય છે. ભાઉએ એકતા પર ઇન્ડિયન આર્મીના અપમાનનો આરોપ લગાવ્યો છે. સાથે જ તેમણે કહ્યું છે કે તે પોતાને મળેલુ પદ્મશ્રી સન્માન પરત કરે અને માફી માંગે. 

હિન્દુસ્તાની ભાઉ એક વિડીયોમાં એકતા કપૂર પર નિશાન સાધી રહ્યાં છે. ભાઉએ કહ્યું કે જ્યારથી તેમણે કમ્પલેઇન કરી છે ત્યારથી મોટા મોટા લોકોના તેમને ફોન આવી રહ્યાં છે. તેઓ કહી રહ્યા છે કે, ભાઉ જવા દો ને, બેસીને વાત કરીએ વગેરે વગેરે. ભાઉએ જવાબ આપ્યો કે આ મામલે બેસીને વાત નહી થાય એકતા કપૂર તેમજ તેમની માતા શોભા કપૂર પહેલા ભારતીય જવાનોની માફી માંગે. 

બાદમાં ભાઉએ એકતાને મળેલા આ સન્માન પર સવાલ ઉઠાવ્યા અને કહ્યું કે એકતાએ એવું શું યોગદાન આપ્યું છે જેના માટે તેને આ સન્માન મળી રહ્યું છે. દેશના જવાનો અને તેમના પરિવારને આ સન્માન મળવું જોઇએ. 

ભાઉએ અદનાન સામીને મળેલા પદ્મશ્રી પર પણ સવાલ ઉઠાવ્યા હતા. ભાઉ બિગબોસમાં આવ્યા બાદ ઘરે ઘરે જાણીતા બની ગયા છે. હવે એકતા કપૂર માફી માંગે છે કે નહી તે જોવું રહ્યું.