વિવાદ વકર્યો / સોનગઢ : પર્યાવરણીય મંજૂરી મળતા હિંદુસ્તાન ઝીંક કંપનીના વિરોધમાં હિંસક દેખાવ, પોલીસ પર ભારે પથ્થરમારો

• તાપી જિલ્લાના સોનગઢ તાલુકના દોસવાડા ગામની ઘટના
• વેદાંતા ગ્રુપની કંપનીને ગામમાં પ્લાન્ટ સ્થાપવાની મળી મંજૂરી
• ગામલોકો વેદાંતા ગ્રુપની HZL ના પ્લાન્ટના વિરોધમાં
• જાહેર સુનાવણી સ્થળ બહાર મોટાપાયે વિરોધ કર્યો
• ગામલોકોએ પોલીસ પર કર્યો પથ્થરમારો
• પોલીસ ટીયરગેસ શેલ છોડ્યા 

સોનગઢના દોસવાડા ગામમાં એક જાહેર સુનાવણીનું આયોજન થયું હતું. આ વિસ્તારમાં વેદાંતા ગ્રુપની હિંદુસ્તાન ઝીંક કંપની દ્વારા પ્લાન્ટ સ્થાપિત કરવામાં આવનાર છે. આ અંગે આજે લોક સુનાવણી હાધ ધરાઈ હતી. જોકે, આદિવાસી સમાજ (Tribal Community) દ્વારા પ્રદૂષણ તેમજ જમીનના હક્કોના મામલે આજે ઉગ્ર વિરોધ (Protest) કરવામાં આવ્યો હતો અને સુનાવણી મોકૂફ કરવાની માંગ કરવામાં આવી હતી.

ઝીંક કંપનીના વિરોધમાં આદિવાસી પ્રજાએ હિંસક વિરોધ કર્યો

ઝીંક કંપનીના વિરોધમાં આદિવાસી પ્રજા હિંસક વિરોધ કર્યો હતો. હજારો ગામલોકો સભા સ્થળે ભેગા થયા હતા. તથા કંપની વિરૃદ્ધ ભારે સૂત્રોચ્ચાર કર્યો હતો.બેકાબૂ બનેલા ટોળાને વિખેરવા માટે પોલીસે લાઠી ચાર્જનો સહારો લીધો હતો. જોકે, લોકોમાં એટલો બધો આક્રોશ હતો કે પોલીસની ગાડીઓ પર પથ્થરમારો કરવામાં આવ્યો હતો. બેકાબૂ ટોળાને વિખેરવા માટે પોલીસે ટીયર ગેસના રાઉન્ડ છો઼ડ્યા હતા ત્યારબાદ પોલીસ પર પથ્થરમારો થતા પોલીસની ગાડી ઉંધી વાળી દેવામાં આવી હતી. રસ્તા પર હજારોની સંખ્યામાં ઉતરી આવેલા ટોળાએ ઉગ્ર વિરોધ કર્યો હતો.

હિંદુસ્તાન ઝીંક લિમિટેડનું ગામમાં પ્લાન્ટ સ્થાપવાનું આયોજન 

સોનગઢ તાલુકાના દોસવાડા ગામમાં ઝીંક સ્મેલ્ટર કોમ્પલેક્સ તથા ફ્યુમર પ્લાન તથા કેપ્ટીવ પાવર પ્લાન્ટ અને વેસ્ટ હીટ રીકવરી બોઈલર પ્લાન્ટ સ્થાપિત કરવાનું HZL નું આયોજન છે.  સૂત્રોના જણાવ્યાનુસાર ગુજરાત પોલ્યુશન કન્ટ્રોલ બોર્ડે દોસવાડા ગામમાં હિંદુસ્તાન ઝીંકની પર્યાવરણીય મંજૂરી માટે એક જાહેર સુનાવણીનું આયોજન કર્યું હતું. ભારતીય બંધારણમાં જણાવ્યા પ્રમાણે કોઈ પણ ઓદ્યોગિક અને માઈનિંગ પ્રોજેક્ટ માટે શિડ્યુઅલ-5 હેઠળના વિસ્તારોમાં રહેતા લોકોની મંજૂરી લેવી અનિવાર્ય છે. ગુજરાત પોલ્યુશન કન્ટ્રોલ બોર્ડના અધિકારીઓએ સ્થાનિક નેતાઓ તથા આગેવાનોને મીટિંગમાં બોલાવ્યાં હતા તથા ગામના 200 જેટલા લોકોને જાહેર સુનાવણીમાં આવતા અટકાવી દેવાયા હતા. HZL પ્લાન્ટની બહાર મોટી સંખ્યામાં પોલીસ બળ તહેનાત કરવામાં આવ્યું હતું. અને ગામલોકોને જાહેર સુનાવણીના સ્થળે આવતા અટકાવી દેવાયા હતા. 

ગામલોકોના મોટાપાયે દેખાવને પગલે લોક સુનાવણી સ્થગિત કરાઈ 

 તાપી જિલ્લાના ડોસવાળા ગામે આવનાર દિવસોમાં હિન્દુસ્તાન ઝીંક મિલ આવનાર છે, આ મિલને લઈ પર્યાવરણ ને નુકશાન જશે તેવી સ્થાનિક લોકોને ભીતિ સેવાઇ રહી છે, લોકો ના આ વિરોધ વચ્ચે આજે જીપીસીબી અને સ્થાનિક પ્રશશન અને સ્થાનિકો વચ્ચે ની લોક સુનાવણી રાખવામાં આવી હતી, જે થોડીવાર ચાલ્યા બાદ લોક આક્રોશને લઈને સ્થગિત કરાઈ હતી, બાદ સ્થાનિકોએ નેશનલ હાઇવે 53 ને કેટલાય સમય માટે જામ કર્યો હતો, જે જામ હટાવવા ને માટે પોલીસે વરમવર જણાવવા છતાં લોક ટોળું ન વિખરતા આખરે પોલીસે હળવો બળ પ્રયોગ કરવો પડ્યો હતો, અને વાતાવરણ તંગ બન્યું હતું, લોકોએ આસપાસથી પથરાવ શરૂ કરી દેતા પોલીસે ટીયરગેસ  છોડવાની નોબત આવી હતી, અને લાંબા ઘર્ષણ બાદ ટોળું વિખરાયું હતું, આમાં કેટલાય પોલીસ કર્મીઓ અને સ્થાનિકોને નાનીમોટી ઇજાઓ થઈ હતી, પરંતુ આ સમગ્ર મામલે સ્થાનિકોમાં ઝીંક મિલને લઈને આક્રોશ ચોક્કસ જોવા મળી રહ્યો છે.