બિઝનેસ / એક હતું હિંડનબર્ગ, કંઇક આ રીતે અપાયેલું કંપનીનું નામ, અત્યંત રસપ્રદ હતી શરૂઆતની સફર

Hindenburg Research : અમેરિકન શોર્ટ સેલર ફર્મ હિંડનબર્ગ રિક્ટર્સના ટ્વિટર એકાઉન્ટ (હવે X) પર એક નવી પોસ્ટ શેર કરવામાં આવી હતી, પરંતુ આ વખતે તે કોઈ કંપનીના ખુલાસા સાથે સંબંધિત નથી, પરંતુ ખુદ હિંડનબર્ગના શટર ડાઉન થવા સાથે સંબંધિત છે. વર્ષ 2017માં શરૂ થયેલી આ શોર્ટ સેલિંગ કંપનીએ 20થી વધુ મોટી કંપનીઓને ટાર્ગેટ કરી છે, જેમાંથી ઘણી કંપનીઓ હિંડનબર્ગના વમળમાં ફસાઈને નાદાર પણ થઈ ગઈ છે. પરંતુ શું તમે જાણો છો કે નાથન એન્ડરસનની આ કંપનીનું 'હિંડનબર્ગ' નામ કેવી રીતે પડ્યું? તેની પાછળ એક રસપ્રદ કહાની છે, જે એક હવાઈ દુર્ઘટના સાથે જોડાયેલી છે.

20 થી વધુ મોટી કંપનીઓને બનાવાઇ હતી નિશાન

હિંડનબર્ગ બંધ થવા જઈ રહ્યું છે અમેરિકન શોટ સેલર ફર્મના સ્થાપક નાથન એન્ડરસને ભાવનાત્મક સોશિયલ મીડિયા પોસ્ટ દ્વારા તેમની કંપની બંધ કરવાની જાહેરાત કરી છે. હિંડનબર્ગે કંપનીઓ સામે મોટા ખુલાસા કરીને અને શોર્ટ સેલિંગની રમત રમીને ભારે હોબાળો મચાવ્યો છે. તેની શરૂઆતથી આ પેઢીએ 20 થી વધુ મોટી કંપનીઓને લક્ષ્યાંકિત કરી છે, જેમાં અદાણી ગ્રૂપથી લઈને વિદેશી કંપનીઓ WINS Finance, Nikola, SC Worx, Lordstown Motors અને અન્ય સામેલ છે. આમાંથી ઘણા નાદાર થઈ ગયા છે.

શું હિંડનબર્ગનું હવાઈ અકસ્માત સાથે જોડાણ ?

નાથન એન્ડરસનની શોર્ટ સેલર ફર્મ હિંડનબર્ગનું હવાઈ અકસ્માત સાથે જોડાણ છે. જો આની પાછળની કહાની જોઈએ તો વર્ષ 1937માં એક એરશીપ દુર્ઘટના થઈ હતી અને આ એરશીપનું નામ હિંડનબર્ગ હતું. 6 મે, 1937ના રોજ ન્યુ જર્સીના માન્ચેસ્ટર ટાઉનશીપમાં આ એરશીપમાં જોરદાર વિસ્ફોટ અને આગ લાગી હતી. આ અકસ્માતમાં લગભગ 36 લોકોના મોત થયા હતા. આ જર્મન એરશીપ હતી અને તેની પીઠ પર નાઝી યુગનું સ્વસ્તિક કોતરેલું હતું. જ્યારે આ અકસ્માતની તપાસ શરૂ થઈ ત્યારે સામે આવ્યું કે કંપનીએ નિયમોનું ઉલ્લંઘન કર્યું હતું અને એરશીપમાં તેની ક્ષમતા કરતાં વધુ મુસાફરોને બેસાડ્યા હતા.

લગભગ 8 દાયકા પહેલા બનેલી આ ઘટનામાં થયેલી બેદરકારીએ નાથન એન્ડરસનના મન પર ઊંડી અસર કરી અને તેણે પોતાની કંપનીનું નામ હિંડનબર્ગ રાખ્યું. જો આપણે કંપનીની પ્રોફાઇલ જોઈએ તો તે કોઈપણ કંપનીમાં થતી ગેરરીતિઓને શોધીને તેના પર વિગતવાર અહેવાલ તૈયાર કરતી હતી. અહેવાલો અનુસાર, એન્ડરસનનું માનવું હતું કે, ખામીઓ અને અનિયમિતતાઓને ઓળખીને આવા અકસ્માતોને અટકાવી શકાયા હોત. આ પછી તેણે કંપનીઓમાં થતી ગેરરીતિઓ પર સંશોધન કરવાનું નક્કી કર્યું.

શું છે હિંડનબર્ગ સંશોધન ?

વર્ષ 2017માં નાથન એન્ડરસને હિંડનબર્ગની શરૂઆત કરી હતી. હિન્ડેનબર્ગ એ અમેરિકન શોર્ટ સેલર ફર્મ છે. તેશોર્ટ સેલર દ્વારા અબજો રૂપિયાની કમાણી કરે છે, જે એક ટ્રેડિંગ અથવા રોકાણ વ્યૂહરચના છે. આમાં વ્યક્તિ ચોક્કસ કિંમતે સ્ટોક અથવા સિક્યોરિટીઝ ખરીદે છે અને પછી જ્યારે કિંમત વધારે હોય ત્યારે તેને વેચે છે, જેનાથી મોટો નફો થાય છે. આ સિવાય શેરો પણ બ્રોકર્સ પાસેથી ઉછીના લેવામાં આવે છે અને અન્ય જગ્યાએ રોકાણ કરવામાં આવે છે. શોર્ટ સેલિંગ સાથે આ કંપની ફોરેન્સિક ફાઇનાન્સ રિસર્ચ, નાણાકીય અનિયમિતતા, ક્રેડિટ, ઇક્વિટી વગેરેમાં ફેરફાર અને વિશ્લેષણ કરતી હતી. આ કંપની અનૈતિક વ્યવસાય વ્યવહારો અને ગુપ્ત નાણાકીય બાબતો અને વ્યવહારોની તપાસ કરે છે.

હિંડનબર્ગમાં કોઈપણ કંપનીમાં થતી ગેરરીતિઓ શોધી કાઢ્યા પછી તેના પર વિગતવાર અહેવાલ તૈયાર કરવામાં આવ્યો અને પછી તેને પ્રકાશિત કરવામાં આવ્યો. આમાં એકાઉન્ટિંગમાં અનિયમિતતા, મેનેજમેન્ટ સ્તરે ખામીઓ અને અપ્રગટ સંબંધિત પક્ષ વ્યવહારો જેવા પરિબળો પર વિશેષ ધ્યાન આપવામાં આવ્યું હતું. કંપની એ પણ શોધી કાઢતી હતી કે, શું શેરબજારમાં નાણાંની કોઈ ખોટી રીતે ગેરરીતિ થઈ છે?

વધુ વાંચો : હિંડનબર્ગ રિસર્ચના સ્થાપકે કંપની બંધ કરવાનો નિર્ણય લીધો, X પર લાગણીશીલ પોસ્ટમાં શું કહ્યું ?

હવે જાણો એન્ડરસને પોસ્ટમાં શું લખ્યું?

હિંડનબર્ગના સ્થાપક નાથન એન્ડરસને તેમની પોસ્ટમાં લખ્યું, જેમ મેં ગયા વર્ષના અંતથી મારા પરિવાર, મિત્રો અને મારી ટીમ સાથે શેર કર્યું છે, મેં હિંડનબર્ગ રિસર્ચ બંધ કરવાનો નિર્ણય લીધો છે. આયોજન એવું હતું કે, અમે જે વિચારો પર કામ કરી રહ્યા છીએ તે પૂર્ણ થતાં જ તે બંધ થઈ જશે. હું આ બધું આનંદથી લખી રહ્યો છું, આ મારા જીવનનું સપનું હતું અને તે સરળ વિકલ્પ નહોતો. તેણે આગળ લખ્યું કે, હું મારા પરિવાર સાથે સમય પસાર કરવા, મારા શોખ અને મુસાફરી કરવા આતુર છું. આ સાથે તેમણે કહ્યું કે, તેને બંધ કરવા પાછળ કોઈ ખાસ કારણ નથી, ન તો કોઈ ખતરો છે અને ન તો કોઈ પ્રકારની સમસ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ