બોલિવૂડ / હિના ખાનના ફેન્સને લાગશે મોટો ઝટકો, એક્ટ્રેસ પિતાના નિધનના 4 દિવસ બાદ લીધો નિર્ણય, નહીં કરે આ કામ

• હિના ખાનના ફેન્સને લાગશે મોટો ઝટકો
• 20 એપ્રિલે હિના ખાનના પિતા અસલમ ખાનનું નિધન થઇ ગયુ
• તે થોડાં સમય માટે તે સોશિયલ મીડિયાથી બ્રેક લઈ રહી છે

અંતિમ સમયમાં હિના તેના પિતાની સાથે નહોતી. મળતી માહિતી અનુસાર, તેમનું નિધન કાર્ડિયાક અરેસ્ટને કારણે થયું. તેના પિતાના નિધનના ચાર દિવસ બાદ હિનાએ સોશિયલ મીડિયા પર એક પોસ્ટ શેર કરી છે. જેમાં તેણે કહ્યું છે કે, થોડાં સમય માટે તે સોશિયલ મીડિયાથી બ્રેક લઈ રહી છે.

હિના ખાન અને તેના પરિવાર માટે આ સમય આઘાતજનક છે. પિતાના નિધનના ચાર દિવસ બાદ તેણે એક પોસ્ટ તેની ઇન્સ્ટાગ્રામ સ્ટોરી પર શેર કરી છે. આ પોસ્ટમાં તેણે લખ્યું છે કે, 'મારા પિતા 20 એપ્રિલ 2021એ અમને છોડી જન્નતમાં ગયા. હું આપ સૌની આભારી છું, જે લોકોએ આ મુશ્કેલ સમયમાં મને ફોન કરી મારા અને મારા પરિવારના હાલચાલ પુછ્યાં. હું અને મારો પરિવાર બંને જ પિતાના નિધનથી શોકમાં છીએ. મારું સોશિયલ મીડિયા એકાઉન્ટ મારી ટીમ હેન્ડલ કરશે. આગળના પ્રોજેક્ટ અંગે તે જણાવશે. આપ તમામનો આભાર મને સપોર્ટ કરવા અને પ્રેમ આપવા માટે. હિના ખાન.

 

 

 

 

View this post on Instagram

 

 

 

 

 

 

 

 

 

 

 

A post shared by HK (@realhinakhan)

હિના ખાને તેના ફેન્સને જાણકારી આપી છે કે, તે સોશિયલ મીડિયાથી થોડો સમય માટે બ્રેક લઇ રહી છે. જોકે, આ મુશ્કેલ સમયમાં પણ તે તેની ટીમ દ્વારા તેના વર્ક કમિટમેન્ટ પૂરા કરશે. હિના ખાનની તેના પિતા અસલમ ખાન સાથે ખૂબ જસારી બોન્ડિંગ હતી. તે ઘણી વખત પરિવાર સાથે વેકેશન પર જતી હતી. જ્યાંથી તે ફેન્સની સાથે ફોટોઝ અને વીડિયો શેર કરતી હતી. હિના ગત દિવસોમાં કશ્મીરમાં શાહિર શેખની સાથે આવનારા પ્રોજેક્ટનું શૂટિંગ કરી રહી હતી. એ દરમિયાન તેને આ દુખદ સમાચાર મળ્યા હતા.

પરિવારની સાથે માલદીવ્સ વેકેશન દરમિાયન તેણે તેના પિતાની સાથે ખૂબ જ મસ્તી કરી હતી. હિના ખાને ફાધર્સ ડે સમયે એક વીડિયો શેર કર્યો હતો. જેમાં તેણે એક સુંદર કેપ્શન લખ્યું હતું, આ સાથે જ તેણે પોતાને પાપા કી પરી ગણાવી હતી.

એક ઇન્ટરવ્યૂમાં તેણે જણાવ્યું હતું કે, કઈ રીતે તે તેના માતા-પિતાને જણાવ્યા વિના દિલ્હીની કોલેજથી એક્ટ્રેસ બનવા માટે મુંબઈ આવી ગઇ હતી. જ્યારે તેણે તેના પેરેન્ટ્સે આ અંગે જણાવ્યું તો ઘણાં સંબંધીઓ તેમની સાથે સંબંધ તોડી નાખવા કહ્યું, પણ તેના પિતાએ એક્ટ્રેસનો સાથ હતો.