હિંમતનગર: રાજ્યમાં દારૂબંધી હોવા છતા બુટલેગરો દ્વારા દારૂની હેરાફેરી કરવામાં આવે છે. ત્યારે હવે હિંમતનગરમાં સ્લીપર કોચની બસમાંથી વિદેશી દારૂની 370 પેટી બોટલો ઝડપાઈ છે. બસમાં બેડ નીચે ગુપ્ત ખાના બનાવીને રાજસ્થાનથી અમદાવાદ લવાતો હતો ત્યારે પોલીસે બસને ઝડપી પાડી હતી.
ગ્રામ્ય પોલીસે 20 લાખ રૂપિયાના દારૂ સાથે 2 આરોપીઓની ધરપકડ કરીને કાર્યવાહી હાથ ધરી છે. લક્ઝરી બસની કિંમત ૧૨ લાખ સહિત ૩૨ લાખ ૫૮ હજારનો મુદ્દામાલ કબજે કરી કાર્યવાહી હાથ ધરી હતી.
ઉલ્લેખનીય છે કે ગુજરાતમાં દારૂબંધીની કડક અમલવારી થતા દારૂનો વેપલો કરતા બુટલેગરો રોજ અવનવા કીમિયા અપનાવી દારૂ ની ખેપ માળી રહ્યા છે ત્યારે હિંમતનગર ગ્રામ્ય પોલીસ સ્ટેશનનાં PSI એસ.ડી ચૌધરીને ખાનગી બાતમી મળી કે પેસેન્જર લક્ઝરી બસમાં વિદેશી દારૂની હેરા-ફેરી થઇ રહી છે. પોલીસે વોચ ગોઠવતા બાયપાસ ટોલનાકા પાસેથી બાતમી પ્રમાણે લક્ઝરી બસ આવતા તેમાં તપાસ કરતા સ્લીપિંગ કોચ બેડના નીચેના ભાગે ગુપ્ત ખાનાઓ બનાવેલ મળી આવી હતી.
આ પેટીમાંથી ૩૭૦ પેટી અલગ અલગ બ્રાંડનો વિદેશી દારૂ વગર પાસ પરમીટ એ રાજસ્થાનથી અમદાવાદના જુહાપુરાનાં બુટલેગર સુમન પઠાણને પહોંચાડવાનો હતો. જેથી પોલીસે ડ્રાઈવર આરોપી સઈદ મહમદ રફીક મહમ્મદ શેખ તથા ક્લીનર અન્સારખાન સનાવારખાન ખટીકની ધરપકડ કરી વધુ પૂછપરછ હાથ ધરી છે.
હાલતો પોલીસે લક્ઝરી બસમાં બનાવેલ ગુપ્ત ખાના માંથી ૩૭૦ પેટી જેના બોટલ નંગ ૫૧૮૪ કિંમત ૨૦ લાખ ૫૭ હજાર અને લક્ઝરી બસની કિંમત ૧૨ લાખ સહીત ૩૨ લાખ ૫૮ હજારનો મુદ્દામાલ કબજે કરી બંન્ને આરોપીઓની સાધન તપાસ હાથ ધરી હતી છે.