હિંમતનગરના યુવાને ડાયાબીટીસ અને બીપી જેવા રોગોને માત આપી સર કર્યું એવરેસ્ટ શિખર

હિંમતનગરઃ શહેર મેહુલ જોશીને સ્કુલમાં ભણતા ત્યારે તેમને પ્રશ્ન પૂછવામાં આવેલો કે એવરેસ્ટ શિખર સૌપ્રથમ કઈ મહિલાએ સર કર્યું હતું. તેનો જવાબ મેહુલ ભાઈ પાસે પણ હતો. ત્યારથી તેમને નક્કી કર્યું કે મારે પણ એવરેસ્ટ શિખર સર કરવું છે તે વખતે જોયેલું સપનું હવે સાકાર થયું છે. મેહુલ જોશી હિમતનગરમાં હરિઓમ મેડીકલ એજન્સીનું કામ કાજ કરે છે.

તેમને શારીરિક બિમારી બીપી અને ડાયાબીટીસ હતી. પણ કોઈક ડોક્ટરે સાઈકલીંગ કરવાની સલાહ આપતા દવા વગર જ રોગોને માત આપવાનો નિશ્ચય કરતા સાઈકલીંગ કરવાનું દોડવાનું વિવિધ કસરતો કરી રોગો સામે પ્રતિકાર શક્તિ મેળવી ૧૦ એપ્રિલે એવરેસ્ટ શિખર સર કરવા ઘરેથી નીકળી ગયા હતા. તેઓ ૧૬-૦૫-૧૮એ સવારે ૪.૩૦ કલાકે દુનિયાનું સૌથી ઉચું શિખર માઉન્ટ એવરેસ્ટ સર કરી ત્રિરંગો લહેરાવી પોતાના સપનાને સાકાર કર્યું.

'મન હોય તો માળવે જવાય' પણ આવું મોટું સાહસ કરવા સપોર્ટની જરૂર હોય છે. ત્યારે મેહુલ જોશીના માં-બાપ અને તેમના પત્નીએ તેમને સપોર્ટ કર્યો. એવરેસ્ટ સર કરવા માટે જે જોઈએ તે રીતે મદ્દદ કરી પછી તે માનસિક હોય આર્થિક હોય તમામ મદદ કરી હતી. મેહુલ ભાઈને આત્મવિશ્વાસમાં વધારો કરી તેમને એવરેસ્ટ સર કરવા મોકલ્યા આજે તમામ પ્રયત્નો બાદ તેમનું સપનું સાકાર થયું.

આ પહેલા પણ એમને સાઈકલીંગ ઘણા દેશોની મેરોથોનમાં પણ ભાગ લીધો હતો. ઉત્તરાખંડમાં આવેલી જોખમી ગણાતી ખીણ ૧૯ ૭૦૦ ફૂટ ઊંડી ૬૦૧૦ મીટરની ઊંચાઈએ આવેલ માઉન્ટ થેલું ૭૦૭૩ મીટરની ઉચાઇ આવેલ સતોપંત પર પર્વતારોહણ કરીને વિક્રમ સર્જ્યો હતો. અને માઉન્ટ એવરેસ્ટ સર કરી જીલ્લા અને રાજ્યનું નામ રોશન કર્યું છે.

મેહુલ જોષીએ માઉન્ટ એવરેસ્ટ શિખર સર કરતા મુખ્યમંત્રી વિજયભાઈ રૂપાણીએ ટ્વીટ કરી શુભેચ્છા પાઠવતા પરિવાર અને મિત્ર વર્તુળોમાં ખુશીનું મોઝું ફરી વર્યું હતું.