હિંમતનગરમાં ડૉક્ટરની કામલીલાનો પર્દાફાશ થયો છે. સિવિલ હોસ્પિટલના ડૉક્ટર દિપક પટેલને તેમની પત્નીએ અન્ય મહિલા ડૉક્ટર સાથે ઝડપી પાડયો હતો. ડૉક્ટર અન્ય મહિલા સાથે ઝડપાતા પત્નીએ અભયમ્ 181ની ટીમને બોલાવી હતી. ત્યારે હવે 181ની ટીમે કાર્યવાહી હાથધરી છે.
આ ઘટના અંગે મળતી જાણકારી અનુસાર સાબરકાંઠા જિલ્લાના હિંમતનગર ખાતે સરકારી સિવિલ હોસ્પિટલ આવેલ છે. આ હોસ્પિટલમાં પતિ પત્ની ઓર વો વાળી ઘટના બહાર આવી હતી. સિવિલ હોસ્પિટલમાં ફરજ બજાવતા એક ડૉક્ટરને તેની જ પત્નીએ અન્ય મહિલા ડોક્ટર સાથે રંગ રેલીયા મનાવતો ઝડપી પાડ્યો હતો.
સિવિલ હોસ્પિટલના જ એક રૂમમાં ડોક્ટર પતિ અન્ય મહિલા ડોક્ટર સાથે રંગરેલીયા મનાવી રહ્યો હતો તે દરમિયાન અચાનક પત્ની ત્યાં આવી પહોંચી હતી અને રૂમમાં પતિને આ હરકત કરતો જોઇને દરવાજો બહારથી બંધ કરી દીધો હતો અને પોતાના પરિવારજનોને આ અંગે જાણ કરતા લોકોનો જમાવડો થયો હતો અને ડોક્ટર રંગે હાથ ઝડપાયો હતો.
આ ઘટના અંગેની જાણ પત્નીએ ગુજરાત સરકારની મહિલા હેલ્પલાઇન 181 અભયમને કરતા સમગ્ર ટીમ ઘટના સ્થળે પહોંચી હતી અને કાર્યવાહી હાથ ધરી હતી.