હિંમતનગર પંથકની સગીરા પર 13 શખ્સોએ અવારનવાર દુષ્કર્મ આચર્યુ હોવાની ઘટના સામે આવતા સમગ્ર પંથકમાં હાહાકાર મચી ગયો છે.
પોલીસે સગીરાની માતા, તેના પ્રમી સહિત 20 સામે નોંધ્યો ગુનો
હિંમતનગર એ ડિવિજન પોલીસ મથકે ફરિયાદ દાખલ
વારંવાર આરોપીઓએ આચર્યું સગીરા સાથે દુષ્કર્મ
સાબરકાંઠાના હિંમતનગરમાં ચોંકાવનારી ઘટના પ્રકાસમાં આવી છે. હિંમતનગરમાં સગીરાની માતાના પ્રેમીએ સગીરા સાથે દુષ્કર્મ આચર્યું હોવાની ફરિયાદ ઉઠતાં ખળભળાટ મચી જવા પામ્યો છે. 13 શખ્સોએ દુષ્કર્મ આચર્યુ હોવાની સનસનાટીભરી ફરીયાદ ઉઠી છે. આ મામલે હિંમતનગર એ ડિવિજન પોલીસે સગીરાની માતા, તેના પ્રમી સહિતના આરોપીઓ સામે ગુન્હો નોંધી તપાસનો ધમધમાટ શરૂ કર્યો છે.
દુષ્કર્મની ઘટનાને લઈને સમગ્ર પંથકમાં હાહાકાર
સાબરકાંઠાના હિંમતનગરમાં મા એ મમતા લજવી હોવાની રૂહકાંપ ઘટના સામે આવતા ચારે કોરથી કાળિયુગી માતા સામે ફિટકાર વર્ષી રહ્યો છે. સગીરાની માતાના પ્રેમીએ સગીરાને પોતાના હવસનો શિકાર બનાવી સગીરા સાથે અવારનવાર કુકર્મ આચર્યુ હતું. એટલું જ નહી મુખ્ય આરોપી સહિત અન્ય 13 નારાધમોએ સગીરાને ધમકી આપી વારંવાર આપી દુષ્કર્મ ગુજાર્યું હતું. સામૂહિક દુષ્કર્મની આ ઘટનાને લઈને સમગ્ર પંથકમાં હાહાકાર મચી જવા પામ્યો છે. બીજી તરફ તમામ આરોપીઓને કડકમાં કડક સજા કરવામાં આવે તેવી સ્થાનિકો માંગ ઉઠાવી રહ્યા છે.
પુખ્ત વયે રૂ.12 લાખમાં વેચવા માટે કર્યો હતો સોદો
આ ઉપરાંત રૂપિયાની લાલચમાં ભોગ બનનાર સગીરાનો 12 લાખમાં સોદો કર્યો હોવાનો પણ ઘટસ્ફોટ થયો છે. રૂપિયાની લ્હાયમાં MPના રતલામ નજીક ખેડામાં સગીરાને વેચી નાખવાનો કારસો રચવામાં આવ્યો હતો. ભોગ બનનાર સગીરા પુખ્ત વયની થાય ત્યારે રૂ.12 લાખમાં વેચવા માટે સોદો કર્યો હતો. આ સમગ્ર પ્રકરણ અંગે હિંમતનગર એ ડિવિજન પોલીસ મથકમાં ફરિયાદ નોંધાતા પોલીસ પણ ચોંકી ઉઠી હતી. ભોગ બનનારની ફરિયાદને આધારે પોલીસે સગીરાની માતા, તેના પ્રમી સહિત 20 સામે ગુન્હો નોંધી ઊંડી તપાસ હાથ ધરી છે.