ટીવી શો / Indian Idolમાં જે નવા જજની ઍન્ટ્રી થઈ તેનાથી હવે અનુ મલિકની વાપસી નહીં થાય

• ઈન્ડિયન આઈડલમાં થઈ નવા જજની એન્ટ્રી
• અનુ મલિક થયા શોમાંથી બહાર
• હિમેશ રેશમિયાએ લીધી અનુ મલિકની જગ્યાએ

શોમાં હિમેશની થઈ એન્ટ્રી

આ સમગ્ર વિવાદ પર ખુદ અનુ મલિકે ઓપન લેટર લખીને તેમના ઉપર લાગેલા આરોપોને ખોટા ઠેરવ્યા હતા. જોકે, બાદમાં તેમને ઈન્ડિયન આઈડલમાંથી બહારનો રસ્તો બતાવવામાં આવ્યો હતો. હિમેશે ઈન્ડિયન આઈડલમાં જજની ખુરશી સંભાળવા વિશે કહ્યું, 'હું આ શો જોઉં છું. મને તેમાં જોડાવામાં કોઈ મુશ્કેલી નથી, કારણ કે હું દરેક સ્પર્ધકની પ્રતિભા અને અવાજને જાણું છું. હું આ શોમાં હૃદય અને આત્મા સાથે કામ કરીશ અને સ્પર્ધકોને સલાહ સાથે શીખવીશ'. આ સાથે હિમેશે કહ્યું કે કદાચ તે આ શોમાં અંત સુધી રહેશે.

આ છે મામલો

તમને જણાવી દઈએ કે અનુ મલિક પર ઘણી મહિલાઓએ 2018માં યૌન શોષણનો આરોપ લગાવ્યો હતો. જે પછી તેમણે ઈન્ડિયન આઈડલની ખુરશી છોડી દીધી હતી.આ વર્ષે ફરી અનુ મલિક ઈન્ડિયલ આઈડલના જજ બન્યા અને વિવાદોમાં ઘેરાઈ ગયા. સિંગર સોના મહાપાત્રાએ અનુ મલિક વિરૂદ્ધ અવાજ ઉઠાવ્યો અને ઓપન લેટર લખ્યો હતો. ત્યારબાદ સિંગ નેહા ભસીને પણ અનુ મલિક પર યૌન શોષણનો આરોપ લગાવ્યો. તેણે જણાવ્યું કે અનુએ તેની સાથે ખરાબ વર્તન કર્યું હતું.