બોલિવુડના મ્યૂઝિક ડિરેક્ટર હિમેશ રેશમિયાએ આ સમયે રાનૂ મંડલ પર મહેરબાન છે.
થોડા દિવસ પહેલા હિમેશ રેશમિયાએ રાનૂ મંડલ પાસે પોતાની અપકમિંગ ફિલ્મ 'હેપ્પી હાર્ડી એન્ડ હીર' નું ગીત રેકોર્ડ કરાવ્યુ હતુ. ગીતના રેકોર્ડિંગનો નાની ઓડિયો ક્લિપ પણ પોતાના ઑફિશ્યલ ઇન્સ્ટાગ્રામ એકાઉન્ટ પર શૅર કરી હતી. હવે હિમેશે રાનૂની પાસે વધુ એક ગીત રેકોર્ડ કરાવ્યુ. બીજા ગીતની રેકોર્ડિંગ ક્લિપ પણ હિમેશે પોતાના ઇન્સ્ટાગ્રામ એકાઉન્ટ પર શૅર કરી.
વીડિયો શૅર કરતા હિમેશ રેશમિયાએ લખ્યુ કે, '''તેરી મેરી.. મેરી તેરી' ગીત બ્લોકબસ્ટર હિટ થયા પછી રાનૂ મંડલની પાસે 'હેપ્પી હાર્ડી એન્ડ હીર' નું બીજું ગીત 'આદત' રેકોર્ડ કરાવ્યુ છે. ગીતનો એક નાનકોડ વીડિયો શૅર કરુ છું. તમારા પ્રેમ અને સહકાર માટે આભાર.'' આ વીડિયોમાં હિમેશ એકાદ ડાયલોગ બોલતો જોવા મળે છે અને બાદમાં રાનૂ મંડલ આલાપ લેતા જોવા મળે છે.
તમને જણાવી દઇએ કે, થોડા દિવસ પહેલા હિમેશ રેશમિયાએ રાનૂ પાસે ‘;તેરી મેરી…મેરી તેરી’ નામનું ગીત રેકોર્ડ કરાવ્યું છે. હિમેશના રેકોર્ડિંગની આ ક્લિપ ખૂબ જ વાયરલ થઇ અને સોશ્યલ મીડિયા પર યૂઝર્સ હિમેશના વખાણ પણ કરી રહ્યા છે. આ ગીતને સારો રિસ્પોન્સ મળતા હિમેશે રાનૂ પાસે વધુ એક ગીત રેકોર્ડ કરાવ્યુ છે.
ઉલ્લેખનીય છે કે, રાનૂ ન્યૂરોલોજિકલ ડિસઓર્ડર અને પેનિક એટેકની પીડિત છે. રાનૂ પોતાના ઘરેથી નીકળીને પશ્ચિમ બંગાળના નાડિયા જિલ્લાના રાણાઘાટ સ્ટેશન પર પહોંચી ગઇ હતી. સ્ટેશન પર તે ગીત ગાઈ રહી હતી તે સમયે મુસાફરે સોશ્યલ મીડિયા પર વીડિયો અપલોડ કર્યો હતો.