ઇન્ટરનેટની મદદથી ચર્ચામાં આવેલી રાનૂ મંડલનું પહેલું સોંગ 'તેરી મેરી કહાની' તાજેતરમાં રિલીઝ થયુ. લોન્ચિંગ વખતે મ્યૂઝિક ડિરેક્ટર હિમેશ રેશમિયાએ એક પ્રેસ કોન્ફરન્સ રાખી હતી. જેમાં હિમેશ રાનૂની સાથે પહોંચ્યો હતો.
સોંગ લોન્ચિંગ વખતે પ્રેસ કોન્ફરન્સમાં રાનૂ અને હિમેશને ઘણા સવાલ પૂછવામાં આવી રહ્યા હતા અને આ બંને સવાલના જવાબ આપવામાં ઘણા કોન્ફિડન્ટ લાગી રહ્યા હતા.
વાસ્તવમાં થોડા દિવસ પહેલા બોલિવુડના ફેમસ સિંગર લતા મંગેશકરે રાનૂને લઇને પ્રતિક્રિયા આપતા કહ્યુ કે, “મારા નામથી જો કોઈનું ભલુ થતુ હોય તો હું મારી જાતને નસીબદાર સમજુ છું. પરંતુ મને લાગે છે કે કોઇની નકલ કરીને તમે પ્રતિસ્પર્ધામાં લાંબુ ના ટકી શકો. મારા, કિશોર દા, રફી સા'બ, મુકેશ ભૈયા કે આશાના ગીતો ગાઇને ટૂંક સમય માટે ધ્યાન ખેંચી શકો છો, પરંતુ લાંબુ નહી ટકી શકો''
આ પછી જ્યારે કોન્ફરન્સમાં હિમેશ રેશમિયાને લતા મંગેશકરની આ પ્રતિક્રિયા પર જવાબ આપતા કહ્યુ કે, ''દરેક વ્યકિત કોઇના કોઇથી ઇન્સ્પાયર હોય છે.'' આગળ હિમેશે કહ્યુ કે, ''આમ તો રાનૂ મંડલ, લતા મંગેશકરથી ઇન્સ્પાયર છે. જેમકે કુમાર સાનૂ પોતે કિશોર કુમારથી ઇન્સ્પાયર છે તેવી જ રીતે. કોઇ લતાજી જેવુ ના બની શકો. તેઓ મહાન સિંગર છે અને તેમની જર્ની તમામને ઇન્સ્પાયર કરે છે. પરંતુ એ વાત સાચ્ચી છે કે રાનૂ બોર્ન સિંગર છે અને તેમની અંદર ટેલેન્ટ છે.''
પોતાની વાત રાખતા હિમેશે આગળ કહ્યુ કે, ''જો કોઇ અરિજિત સિંહનું ગીત ગાય છે અને તેના જેવું ગાય છે તો તેની કૉપી નથી કરતો પણ તેનાથી ઇન્સ્પાયર થાય છે. મારા ખ્યાલથી લતાજીનો પણ કહેવાનો અર્થ આ જ હશે. '' રાનૂએ પણ આ વિશે વાત કરતા કહ્યુ કે, ''બાળપણથી લતાજીના ગીત ગાય છે. લતાજી તેની ફેવરિટ છે. તમામ લોકો કહે છે કે મારો અવાજ લતાજીને મળતો આવે છે, હું ખૂબ જ ભાગ્યશાળી છું.''
આ લોન્ચિંગ કાર્યક્રમમાં રાનૂ મંડલ વિશે વાત કરતા હિમેશ રેશમિયાએ ઇમોશનલ થઇ ગયો હતો, જેના ફોટોઝ અને વીડિયો સોશ્યલ મીડિયા પર વાયરલ થઇ રહ્યા છે.
ઉલ્લેખનીય છે કે, રાનૂ ન્યૂરોલોજિકલ ડિસઓર્ડર અને પેનિક એટેકની પીડિત છે. રાનૂ પોતાના ઘરેથી નીકળીને પશ્ચિમ બંગાળના નાડિયા જિલ્લાના રાણાઘાટ સ્ટેશન પર પહોંચી ગઇ હતી. સ્ટેશન પર તે ગીત ગાઈ રહી હતી તે સમયે મુસાફરે સોશ્યલ મીડિયા પર વીડિયો અપલોડ કર્યો હતો.