ગૂડ ન્યૂઝ / વેલેન્ટાઈન ડે પર સરકારે આપી મોટી ભેટ, પેન્શન 3500 રૂપિયાથી વધારીને 9000 રૂપિયા કર્યું

• હિમાચલ સરકારનો મોટો નિર્ણય
• ફેમિલ પેન્શનમાં કર્યો અઢી ગણો વધારો
• 3,500ને બદલે હવે મળશે 9,000 રૂપિયા

ઉત્તરપ્રદેશ, પંજાબ, ઉત્તરાખંડ, મણિપુર અને ગોવામાં વિધાનસભા ચૂંટણીની વચ્ચે સરકાર તરફથી એક મોટા સમાચાર આવી રહ્યા છે. વેલેન્ટાઈન ડે અને પુલવામા હુમલાની વરસીએ પેન્શનની રકમમાં અઢી ગણો વધારો કર્યો છે. હિમાચલ પ્રદેશમાં અત્યાર સુધી લોકોને ફેમિલી પેન્શન હેઠળ 3,500 રૂપિયા મળતા હતા, હવે તેમને 9,000 રૂપિયા મળશે. હિમાચલ પ્રદેશ સરકારની કેબિનેટ દ્વારા આજે આ નિર્ણય લેવામાં આવ્યો છે.

Himachal Pradesh Cabinet decides to reopen all educational institutions, gyms and cinema halls from Feb 17 pic.twitter.com/JIfvKUi3YI

— ANI (@ANI) February 14, 2022

1.73 લાખ પેન્શનર્સને સંશોધિત પેન્શનનો લાભ
કેબિનેટની બેઠક બાદ સરકારે સોમવારે આ જાહેરાત કરી હતી. સરકારના જણાવ્યા અનુસાર, સુધારેલા પેન્શનનો લાભ હિમાચલ પ્રદેશના 1.73 લાખ પેન્શનરોને મળશે. 1 ફેબ્રુઆરી, 2022 થી વધેલું પેન્શન ચૂકવવામાં આવશે. રાજ્ય સરકારે જણાવ્યું હતું કે હવે રાજ્યમાં લઘુતમ પેન્શન/ફેમિલી પેન્શન રુ.3500થી વધીને રૂ 9,000 થયું છે. વધેલું પેન્શન 1 જાન્યુઆરી, 2016થી અમલમાં આવશે.

શૈક્ષણિક સંસ્થાઓ, જીમ 17 ફેબ્રુઆરીથી ખુલશે
કેબિનેટની બેઠકમાં સરકારે 17 ફેબ્રુઆરીથી તમામ શૈક્ષણિક સંસ્થાઓ ખોલવાનો પણ નિર્ણય કર્યો છે. તેમાં કહેવામાં આવ્યું છે કે, શાળા, કોલેજો સહિત તમામ શૈક્ષણિક સંસ્થાઓની સાથે જીમ અને સિનેમા હોલ પણ 17 ફેબ્રુઆરીથી ખુલશે. એટલે કે બાળકો ભણવા માટે સ્કૂલ-કોલેજમાં જશે, જ્યારે મનોરંજન માટે લોકો સિનેમા હોલમાં જઈને ફિલ્મોની મજા માણી શકશે. જીમ ખોલવાની મંજૂરી પણ આપવામાં આવી છે.

ગ્રેજ્યુઈટીની મર્યાદા વધી
ઉપરોક્ત નિર્ણયો ઉપરાંત હિમાચલ પ્રદેશ કેબિનેટે વધુ એક નિર્ણય લીધો છે. સરકારે ગ્રેચ્યુઇટીની મર્યાદા 10 લાખ રૂપિયાથી વધારીને 20 રૂપિયા કરવાના નિર્ણયને પણ મંજૂરી આપી દીધી છે. સરકારે કહ્યું છે કે હિમાચલ પ્રદેશની જયરામ ઠાકુર સરકારનો નિર્ણય 1 જાન્યુઆરી 2016થી લાગુ થશે. તેનાથી નેશનલ પેન્શન સ્કીમ (એનપીએસ) હેઠળ આવરી લેવામાં આવેલા કર્મચારીઓને ફાયદો થશે.