હિમાચલ પ્રદેશના કુલ્લૂમાં એક બસ ખીણમાં પડી જતા 33 લોકોના મોત થયા છે. જ્યારે 25 લોકો ઘાયલ થયા છે. આ ઘટના કુલ્લૂના બંજારમાં થઇ છે.
બસ કુલ્લૂ જિલ્લાના બંજારથી એક કિલોમીટર આગળ ભિયોઠ વળાંક પાસે 500 ફૂટ ઊંડી ખીણમાં પડી ગઇ હતી. બસ કુલ્લૂથી ગાડાગુશેણી તરફ જઇ રહી હતી. તેમા લગભગ 40થી 50 લોકો હોવાની આશંકા દર્શાવાઇ રહી છે. ખીણમાં ઘાયલોને નીકાળવા માટે પોલીસ અને સ્થાનિય લોકોએ ઘટના સ્થળે પહોંચી ગયા હતા. નદીના તેજ વહાવ વચ્ચે સ્થાનિય લોકોની મદદથી રેસ્ક્યૂ ઓપરેશન ચલાવવામાં આવ્યું હતું.
આ અકસ્માત એટલો ભીષણ હતો કે બસના કચ્ચરઘાણ નીકળી ગયો હતો. અકસ્માતમાં જે લોકો બચી ગયા તેમનું કહેવું છે કે, ભીષણ અકસ્માત થયો હોવા છતા અમે જીવીત છીએ. આ કોઇ ચમત્કારથી ઓછુ નથી.
#UPDATE Superintendent of Police, Kullu, Shalini Agnihotri, on bus carrying 50 people fell into a gorge in Banjar area of Kullu: 15 bodies recovered, 25 injured. Rescue operations continue. #HimachalPradeshhttps://t.co/5NnYHs6tF5
આ અકસ્માતમાં ઘાયલ 12 મહિલા, 6 યુવતીઓ, 7 બાળકો અને 10 યુવકોને રેસ્ક્યૂ કરવામાં આવ્યા હતા. આ અકસ્માતમાં કેટલાકની હાલત ગંભીર છે. ઘટના સ્થળે તંત્રના અધિકારી અને પોલીસ દળ હાજર છે.