વેકસીનેશન / કોરોના સામેની લડાઈમાં ચેમ્પિયન છે આ રાજ્ય, PM મોદીએ કર્યા વખાણ, 100% લોકોએ લઈ લીધો છે પ્રથમ ડોઝ

પ્રધાનમંત્રી નરેન્દ્ર મોદીએ કોવિડ વેક્સિનના પ્રથમ ડોઝમાં હિમાચલને ટોચ પર લાવવા બદલ રાજ્યના લોકોને અભિનંદન આપ્યા હતા. પીએમ નરેન્દ્ર મોદીએ હિમાચલના આરોગ્ય કર્મચારીઓને કહ્યું કે બીજા ડોઝમાં પણ આ જ જુસ્સો જાળવવો પડશે. આમાં પણ હિમાચલને નંબર વન રાખવું પડશે.

આરોગ્ય કર્મચારીઓ સાથે વર્ચ્યુઅલ માધ્યમથી વાતચીત

વડા પ્રધાન નરેન્દ્ર મોદીએ સોમવારે રાજ્યના કોવિડ રસીકરણ લાભાર્થીઓ અને આરોગ્ય કર્મચારીઓ સાથે વર્ચ્યુઅલ માધ્યમથી વાતચીત કરી. સિવિલ હોસ્પિટલ ડોદરા ક્વાર્ટરના ડો.રાહુલે પીએમને કહ્યું કે કોરોના વાયરસ સામે બચાવ અને રસીકરણ અંગે લોકોને જાગૃત કરવા માટે ટીમો બનાવવામાં આવી છે. આરોગ્ય કર્મચારીઓ ઘરે ઘરે જઈને લોકોને આ અંગે જાગૃત કરી રહ્યા છે.

પ્રવાસનને પાંખો મળી 
લાહૌલ-સ્પીતીના રસીકરણના લાભાર્થી નવાંગ ઉપાસક પાસેથી, પીએમ નરેન્દ્ર એ પણ જાણવા માંગતા હતા કે અટલ ટનલ બન્યા પછી લાહૌલ-સ્પીતીના જીવનમાં કેવા પ્રકારનું પરિવર્તન આવ્યું. નવાંગે કહ્યું કે હોમ સ્ટે બનાવવામાં આવી રહ્યા છે. આ વિસ્તારમાં પ્રવાસનને પાંખો મળી રહી છે.

પીટરહોફમાં મુખ્યમંત્રી જય રામ ઠાકુરે વર્ચ્યુઅલ માધ્યમથી વડાપ્રધાન નરેન્દ્ર મોદી સાથે વાતચીત કરી. જય રામ ઠાકુરે કહ્યું કે 30 નવેમ્બર સુધીમાં બીજા ડોઝનો લક્ષ્યાંક નક્કી કરવામાં આવ્યો છે. પ્રથમ ડોઝનો લક્ષ્યાંક 53.77 લાખ હતો. 55 લાખ લોકોને પ્રથમ ડોઝ અપાઈ ગયો છે. અત્યાર સુધીમાં 72 લાખથી વધુ લોકોને કોરોનાની રસી આપવામાં આવી છે.

વડીલોના આશીર્વાદની જરૂર

વડાપ્રધાન નરેન્દ્ર મોદીએ હમીરપુરની 84 વર્ષીય મહિલા લાભાર્થી સાથે વાત કરી. વોર્ડ નંબર બે ની રહેવાસી નિર્મલા દેવીએ કહ્યું, હાથમાં દુખાવો પણ મટી ગયો છે, બેવડો ફાયદો. આઅ મહિલાએ કોરોનાની રસી મેળવવા માટે દરેકને અપીલ કરી. વડા પ્રધાન નરેન્દ્ર મોદીએ કહ્યું હતું કે અમને વડીલોના આશીર્વાદની જરૂર છે. અમને આશીર્વાદ આપજો.