હિમાચલ ચૂંટણીમાં બોલીવુડ અભિનેતા સલમાન ખાનના સંબંધીઓ પણ ભાજપની ટિકિટ પર ઉતર્યા હતા. તેઓ મંડીમાંથી ચૂંટણી લડી રહ્યાં હતા. તેમને 10 હજારથી વધુ મતથી જીત પ્રાપ્ત થઇ છે.
હિમાચલ વિધાનસભામાં કોંગ્રેસને બહુમતી મળી ગઇ
સલમાન ખાનના સંબંધી ભાજપની ટીકિટ પર ઉતર્યા હતા
ભાજપ ઉમેદવારે કોંગ્રેસ ઉમેદવારને 10 હજારથી વધુ મતથી હરાવ્યાં
હિમાચલમાં કોંગ્રેસને બહુમતી મળી
હિમાચલ પ્રદેશમાં વિધાનસભા ચૂંટણીના પરિણામ જાહેર થયા છે. 68 બેઠકની હિમાચલ વિધાનસભામાં કોંગ્રેસને બહુમતી મળી ગઇ છે. તે 5 વર્ષ બાદ પહાડી રાજ્યમાં સરકાર બનાવવા જઇ રહ્યાં છે. હિમાચલમાં દર 5 વર્ષમાં સરકાર બદલવાનો રિવાજ છે. સ્થાનિક જનતાએ આ રિવાજને ચાલુ રાખ્યો છે.
અનિલ શર્મા પૂર્વ કેન્દ્રીય મંત્રી સુખરામના પુત્ર
હિમાચલ ચૂંટણીમાં બોલીવુડ અભિનેતા સલમાન ખાનના સંબંધી અનિલ શર્મા પણ ભાજપની ટિકિટ પર ઉતર્યા હતા. તેઓ મંડી બેઠક પરથી ચૂંટણી લડ્યા હતા. અનિલ શર્માએ કોંગ્રેસ ઉમેદવાર ચંપા ઠાકુરને 10 હજારથી વધુ મતથી હરાવ્યાં. મહત્વનું છે કે અનિલ શર્મા પૂર્વ કેન્દ્રીય મંત્રી સુખરામના પુત્ર છે. અનિલ શર્મા બોલીવુડના દિગ્ગજ સલીમ ખાનના સંધી છે. અનિલ શર્માના પુત્ર આયુષ શર્માના લગ્ન સલીમ ખાનની પુત્રી અર્પિતા સાથે થયા છે.
આયુષે પિતાને આપી શુભેચ્છા
આયુષે પિતા અનિલ શર્માને શુભેચ્છા આપતા વિરાસત જીવંત રહેવાની વાત કહી. તેમણે લખ્યું, વિરાસત જીવતી રહે છે. હાર્દિક શુભેચ્છા પાપા અને મંડીના બધા મતદારોએ અમારા પરિવાર પર વિશ્વાસ જાળવી રાખવા માટે ધન્યવાદ.