હિમાચલ પ્રદેશ / શિમલામાં સ્કૂલવાન ખીણમાં ખાબકી, 2 વિદ્યાર્થી સહિત ચાલકનું મોત

આસપાસના લોકો બચાવકાર્ય માટે દોડી આવ્યા

ઘટનાની જાણ સ્થાનિકોને થતા સ્થાનિકો મદદે દોડી આવી હતા અને બચાવ તથા રાહત કાર્ય હાથ ધર્યુ. શિમલાના ઝાંઝીડીમાં આ બસ દુર્ઘટના થઈ છે. પ્રાપ્ત વિગતો મુજબ એચ.આર.ટી.સી.ની બસ ચેલ્સી સ્કૂલના બાળકોને લઈને જઈ રહી હતી ત્યારે આ દુર્ઘટના સર્જાઈ.

થોડા દિવસ પહેલા જમ્મુ-કાશ્મીરના શોપિયામાં 9 વિદ્યાર્થીઓની થઇ હતી મોત

દક્ષિણ કાશ્મીરના શોપિયા જિલ્લાના મુગલ રોડ પર ગુરુવારે એ મોટી દુર્ઘટના બની હતી. પ્રાપ્ત થયેલ જાણકારી મુજબ, સામેથી આવતા એક સ્કુટી ચાલકને બચાવવાના ચક્કરમાં ટેમ્પો  પરથી ચાલકે કાબૂ ગુમાવ્યો હતો. ચાલકે કાબૂ ગુમાવતા ટેમ્પો ઊંડા ખાડામાં પડ્યો હતો આ ઘટનામાં 9 વિદ્યાર્થીઓ સહિત કુલ 11 લોકોએ જીવ ગુમાવ્યા હતા. જ્યારે 7 લોકો ઘાયલ થયાં હતા. 

ઉલ્લેખનીય છે કે, દુર્ઘટનાને પગલે આસપાસ રહેતા લોકો તાત્કાલિક અસરથી ઘટના સ્થળે આવી પહોંચ્યા હતા અને બચાવ કાર્ય પુરજોશમાં ચાલુ કર્યું હતું. જો કે, થોડા સમયગાળામાં સ્થાનિક પોલીસ પણ ઘટના સ્થળે આવી પહોંચી હતી. જ્યારે આ દુર્ઘટનામાં ઘાયલ થયેલાને નજીકના દવાખાને સારવાર અર્થે ખસેડવામાં આવ્યા હતા.