રાજનીતિ / હિમાચલમાં બહુમત તો મળી પણ CMને ચૂંટી કાઢવામાં કોંગ્રેસનો ફસાયો પેચ, ધારાસભ્ય દળની બેઠક શરૂ

• હિમાચલમાં કોંગ્રેસની જીત બાદ સીએમ પદ માટે રેસ
• શિમલા હોટલમાં સીએમ પદ માટે કોંગ્રેસમાં મંથન
• પ્રતિભા સિંહના સમર્થકોએ નારા લગાવ્યા

હિમાચલ પ્રદેશમાં સીએમનાં પદને લઇને શિમલામાં કોંગ્રેસ વિધાયક દળની બેઠક શરૂ થઇ છે. અહીં પાર્ટીનાં પ્રદેશ કાર્યાલય રાજીવ ભવનમાં વિધાયકો ભેગા થયાં છે. બેઠકમાં કેન્દ્રીય સુપરવાઇઝર ભૂપેન્દ્ર હુડ્ડા, છત્તીસગઢનાં સીએમ ભૂપેશ બઘેલ અને હિમાચલનાં પ્રભારી રાજીવ શક્લા પણ હાજર હતાં. સીએમ પદને લઇને કોંગ્રેસમાં બે નામો સામે આવી રહ્યાં છે. જેમાં પહેલું નામ છે અધ્યક્ષ પ્રતિભા સિંહ અને બીજું સુખવિન્દર સિંહ. 

#WATCH | Himachal Pradesh Congress Chief Pratibha Virbhadra Singh arrives at Congress headquarters in Shimla for the Legislature Party meeting. pic.twitter.com/mJLNh98dSd

— ANI (@ANI) December 9, 2022

શિમલા હોટલમાં વિધાયક બેઠક
હિમાચલમાં કોંગ્રેસનાં નવા સીએમનાં ચહેરા માટે બપોરથી મંથન શરૂ થયું હતું .આ બેઠકમાં પ્રતિભાસિંહ, ભૂપેન્દ્ર હુડ્ડા, છત્તીસગઢનાં સીએમ ભૂપેશ બઘેલ અને હિમાચલનાં પ્રભારી રાજીવ શક્લા પણ હાજર હતાં. તો આ દરમિયાન શક્તિ પ્રદર્શન માટે પ્રતિભાસિંહનાં સમર્થકો હોટલની બહાર ભેગાં થયાં હતાં અને નારેબાજી શરૂ કરી હતી.

રાજ્યપાલ પણ બેઠકમાં હાજર
હિમાચલ પ્રદેશનાં રાજ્યપાલ વિશ્વનાથ અર્લેકર પણ શિમલા હોટલમાં બેઠકમાં હાજર હતાં. સૂત્રો અનુસાર કોંગ્રેસ કેન્દ્રીય સુપરવાઇઝરે રાજ્યપાલને એક પત્ર સોંપ્યું જેમાં સંભવત: કોંગ્રેસ વિધાયકોની લિસ્ટ હતી. કોંગ્રેસે પત્ર થકી જણાવ્યું કે તેમની પાસે સરકાર બનાવવા માટે પર્યાપ્ત સંખ્યામાં વિધાયકો છે.

Shimla, Himachal Pradesh | I am not a CM candidate. I am a disciplined soldier & worker of the Congress party and an MLA. Party high command's decision will be final: Congress leader Sukhvinder Singh Sukhu pic.twitter.com/cy6SbBZFFP

— ANI (@ANI) December 9, 2022

આ બે નામ સીએમ પદ માટે આગળ
હિમાચલમાં પ્રતિભાસિંહ અને સુખવિંદર સિંહ સીએમ પદની રેસમાં આગળ ચાલી રહ્યાં છે. બંને દાવો કરી રહ્યાં છે અને લોબિંગ કરી રહ્યાં છે કે તેમને ધાકાસભ્યોનો સંપૂર્ણ સમર્થન છે. સૂત્રો અનુસાર મંડીથી સાંસદ અને પ્રદેશ અધ્યક્ષ પ્રતિભાસિંહની છાવણીનો દાવો છે કે તેમને 15 વિધાયકોનો સમર્થન છે. જ્યારે સુખવિંદરસિંહને 21 વિધાયકોનું સમર્થન મળી રહ્યા હોવાનો દાવો કરી રહ્યાં છે. 4 ધારાસભ્યો તટસ્થ છે.

પ્રતિભાસિંહે કહ્યું કે...
પરિણામોનાં દિવસે સાંજે પ્રતિભાસિંહે કહ્યું હતું કે ધારાસભ્ય પોતાના નેતાઓ પસંદ કરશે. હું એવું નથી કહી રહી કે હું મુખ્યમંત્રી પદની દોટમાં છું. પરંતુ આ ચૂંટણી વીરભદ્રસિંહનાં નામ પર જીતવામાં આવ્યું છે. શું તમે એમના પરિવારનાં વારસાને નજરઅંદાજ કરી શકો છો?

વીરભદ્રસિંહ 6 વખત હિમાચલનાં સીએમ રહ્યાં 
વીરભદ્રસિંહ 6 વખત હિમાચલપ્રદેશનાં મુખ્યમંત્રી રહ્યાં છે. તેમની પત્ની પ્રતિભાસિંહ વર્ષ 1998માં સક્રિય રાજનિતીમાં આવી હતી. તેમણે મંડી સંસદ ક્ષેત્રથી પહેલી ચૂંટણી લડી હતી.