હિમાચલમાં મતગણતરી અને ચૂંટણી પરિણામોની તૈયારીઓ પૂર્ણ કરી લેવામાં આવી છે. રાજ્યની 68 વિધાનસભા બેઠકો માટે 59 સ્થળોએ 68 મતગણતરી કેન્દ્રો બનાવવામાં આવ્યા છે.
આજે ગુજરાત અને હિમાચલ પ્રદેશની ચુંટણીનું પરિણામ
હિમાચલ પ્રદેશમાં 59 સ્થળોએ 68 મતગણતરી કેન્દ્રો
હિમાચલ પ્રદેશમાં કુલ 55 લાખ 74 હજાર 793 મતદારો
ગુજરાતના બન્ને તબક્કાના મતદાનને લઈને હિમાચલ પ્રદેશની ચુંટણીના પરિણામ જાહેર કર્યા ન હતા. હવે ગુજરાત અને હિમાચલ પ્રદેશમાં વિધાનસભા ચૂંટણીના પરિણામોની રાહ પૂરી થવા જઈ રહી છે. ચૂંટણીના પરિણામોને આડે બસ થોડી કલાકો બાકી છે. હિમાચલમાં મતગણતરી અને ચૂંટણી પરિણામોની તૈયારીઓ પૂર્ણ કરી લેવામાં આવી છે. રાજ્યની 68 વિધાનસભા બેઠકો માટે 59 સ્થળોએ 68 મતગણતરી કેન્દ્રો બનાવવામાં આવ્યા છે.
તૈયારીઓ પુરજોશમાં
રાજ્યના મુખ્ય ચૂંટણી અધિકારી મનીષ ગર્ગે જણાવ્યું કે પરિણામોને લઈને તૈયારીઓ પૂર્ણ થઈ ગઈ છે. સુરક્ષા કર્મચારીઓ સહિત 10 હજારથી વધુ કર્મચારીઓ અને અધિકારીઓ ચૂંટણી ફરજ પર તૈનાત રહેશે. પોસ્ટલ બેલેટની મતગણતરી સવારે 8 વાગ્યે શરૂ અને સવારે 8:30 વાગ્યા પછી ઈવીએમ ખોલવામાં આવશે. બુધવારે કેટલીક જગ્યાએ રિહર્સલ કરવામાં આવી રહ્યા છે. તેમણે કહ્યું કે 59 સ્થળોએ 68 મતગણતરી કેન્દ્રો બનાવવામાં આવ્યા છે.
કેટલા મતદાર
આ વખતે હિમાચલ પ્રદેશમાં કુલ 55 લાખ 74 હજાર 793 મતદારોના નામ મતદાર યાદીમાં નોંધાયા છે. જેમાં 28 લાખ 46 હજાર 201 પુરુષ મતદારો છે જ્યારે 27 લાખ 28 હજાર 555 મહિલા મતદારો છે. કુલ મતદારોમાંથી 75 ટકા મતદારોએ મતદાન કર્યું હતું.
એક્ઝિટ પોલ શું કહે છે?
8 એક્ઝિટ પોલ સર્વે અનુસાર, હિમાચલ પ્રદેશના પહાડી રાજ્યમાં ભાજપ અને કોંગ્રેસ વચ્ચે ગાઢ મુકાબલો જોવા મળી રહ્યો છે. આ સર્વેમાં ભાજપ 32થી 40ની વચ્ચે એટલે કે બહુમતની નજીક જોવા મળી રહ્યો છે. જો કે ચાર સર્વેમાં કોંગ્રેસ પાર્ટી પણ ક્યાંકને ક્યાંક બહુમતીના નિશાનની આસપાસ જોવા મળી રહી છે. પાંચ વર્ષ પહેલાની ચૂંટણીમાં ભાજપ અને કોંગ્રેસ વચ્ચે મત ટકાવારીમાં માત્ર સાત ટકાનો તફાવત હતો. તેમ છતાં કોંગ્રેસ 21 બેઠકો પર ઘટી ગઈ હતી, જ્યારે ભાજપે 44 બેઠકોની સંપૂર્ણ બહુમતી સાથે સરકાર બનાવી હતી, જે તેનાથી બમણી કરતા પણ વધુ હતી.