સિદ્ઘિ / હિમા દાસને મળી વધુ એક સફળતા, 20 દિવસમાં જીત્યો 5મો ગોલ્ડમેડલ

20 દિવસની અંદર આ તેનો 5મો ગોલ્ડમેડલ છે.  ચેક રિપબ્લિકમાં યોજાયેલા નોવે મેસ્ટો મેટુજી ગ્રાં પ્રીમાં હિમાએ 400 મીટરની રેસ 52.09 સેકન્ડમાં પુરી કરી લીધી હતી. તો બીજી બાજુ 400 મીટર હર્ડલ્સમાં એમપી જાબીરે ગોલ્ડ મેડલ જીત્યો હતો. મોહમ્મદ અનસે બ્રોન્ઝ મેડલ, જ્યારે નિર્મલ ટોમે સિલ્વર જીત્યો હતો.

Finished 400m today on the top here in Czech Republic today 🏃‍♀️ pic.twitter.com/1gwnXw5hN4

— Hima MON JAI (@HimaDas8) July 20, 2019

હિમાએ પોતાના ટ્વિટર એકાઉન્ટ પર એક ફોટો શૅર કરીને આ વાતની જાણકારી આપી હતી. ફોટોની સાથે હિમાએ લખ્યુ કે, ''ચેક ગણરાજ્યમાં 400 મીટરની સ્પર્ધામાં ટૉપ સ્થાન પર રહીને રેસ ખત્મ થઇ.''

હિમાએ આ રીતે જીત્યા ચાર ગોલ્ડ મેડલ:

પહેલો ગોલ્ડમેડલ: 2 જુલાઈએ પોજનાન એથલેટિક્સ ગ્રાન્ડ પ્રિક્સમાં 200 મીટર રેસમાં ભાગ લીધો હતો. તેમને 23.65 સેકન્ડમાં તે રેસને પુરી કરીને ગોલ્ડમેડલ જીત્યો હતો.

બીજો ગોલ્ડમેડલઃ હિમાએ 7 જુલાઈએ પોલેન્ડમાં કુટનો એથલેટિક્સ મીટમાં 200 મીટર રેસને 23.97 સેકન્ડમાં પુરી કરીને ગોલ્ડમેડલ જીત્યો હતો.

ત્રીજો ગોલ્ડમેડલઃ હિમાએ 13 જુલાઈએ ચેક રિપબ્લિકમાં થયેલા ક્લાંદો મેમોરિયલ એથલેટિક્સમાં મહિલાઓની 200 મીટર રેસને 23.43 સેકન્ડમાં પુરી કરી હતી.

ચોથો ગોલ્ડમેડલઃ હિમાએ 17 જુલાઈએ ચેક રિપબ્લિકમાં તાબોર એથલેટિક્સ મીટમાં 200 મીટર રેસ 23.25 સેકન્ડ સાથે જીતી લીધી હતી.