હિમાચલ પ્રદેશના મંડીમાં સતત હિમવર્ષાના કારણે પર્યટકોને પરેશાનીનો સમાનો કરવાનો વારો આવ્યો છે. ભારે હિમવર્ષાના કારણે જનજીવન પ્રભાવિત થયું છે. શિમલા, મનાલી, મંડીમાં હાલ હિમવર્ષા થઇ રહી છે. ભારે હિમવર્ષાના કારણે રસ્તા, પહાડો પર બરફની ચાદર જોવા મળી રહી છે.
હિમાચલમાં હિમવર્ષાથી જનજીવન પ્રભાવિત
વાહન વ્યવહારને થઈ અસર, 322 રસ્તાઓ થયા બંધ
રસ્તા બંધ થતા પર્યટકો અટવાયા, તંત્રએ શરૂ કરી કામગીરી
હિમવર્ષાના કારણે 322 જેટલા રસ્તા પણ બંધ કરાયા છે. વાહન વ્યવહાર બંધ થતા પર્યટકો અટવાયા છે ત્યારે હવે તંત્ર દ્વારા રસ્તા પરથી બરફને હટાવવાની કામગીરી શરૂ કરવામાં આવી છે.
Himachal Pradesh Disaster Management Authority: 322 roads including 5 National Highways closed, 323 electricity supply schemes and 26 water supply schemes disrupted across the state, following heavy snowfall. https://t.co/8QTSiO4gsN
શનિવારે બદ્રીનાથ, કેદારનાથ,ગંગોત્રી, યમુનોત્રી સહિત હેમકુંડ સાહિબ, ચોપટા, હર્ષિલ, ભટવાડી અને નિજમુલા ઘાટીમાં ભયંકર બરફ વર્ષા થઈ હતી. આ સાથે જ પહેલાંથી બરફમાં ઢંકાયેલા ગામમાં ફરીથી હિમવર્ષા થવાના કારણે લોકોની મુશ્કેલી વધી હતી.
ખાસ કરીને ઠંડી અને હિમવર્ષાના કારણે લાકડીની મુશ્કેલીઓ સર્જાઈ રહી છે. લાકડા ભીના થઈ જવાના કારણે ઘરમાં તાપણું કરવું કે ચૂલા સળગાવવાનું પણ શક્ય નથી. આ ઉપરાંત વીજળી, પાણી અને સંદેશાવ્યવહાર પણ ખોરવાઈ જતાં મુશ્કેલી સર્જાઈ છે. ઉત્તર કાશીમાં જાન્યુઆરીના બીજા અઠવાડિયે પણ 4 દિવસ સુધી સતત હિમવર્ષા થવાના કારણે જનજીવન અસ્તવ્યસ્ત થયું છે.