ઝટકો / SBIએ ગ્રાહકોને આપ્યો ઝટકો, હોમ લોન લીધી હોય તો જાણી લેજો આ નિર્ણય

• SBIએ ગ્રાહકોને આપ્યો ઝટકો
• બેંકે હોમ લોનના વ્યાજમાં કર્યો વધારો
• પહેલા કરતા વધારે ઈએમઆઈ ભરવાની રહેશે

 
દેશની સૌથી મોટી સરકારી બેંક SBIએ ઘર ખરીદનારા ગ્રાહકોને મોટો ઝટકો આપ્યો છે. બેંકે હોમ લોન પર વ્યાજના દરમાં વધારો કર્યો છે. એટલે કે ઘર ખરીદનારાને પહેલાની સરખામણીએ વધારે ઈએમઆઈ ભરવાની રહેશે. અહીં આપને જણાવી દઈએ કે બેંકના નવા વ્યાજ દર 6.95 ટકા છે જ્યારે બેંક 31 માર્ચ સુધી 6.70 ટકાનું વ્યાજ હોમ લોન પર લઈ રહી હતી. SBIએ સીમિત સમયને માટે 75 લાખ રૂપિયા સુધીની હોમલોન 6.70 ટકા વ્યાજ પર આપવાની રજૂઆત કરી. જ્યારે 75 લાખથી પાંચ કરોડ રૂપિયાના હોમ લોન પર વ્યાજ દર 6.75 ટકા હતો. 

અન્ય બેંક પણ વધારી શકે છે વ્યાજનો દર
SBIની વેબસાઈટના આધારે 6.95 ટકાનું વ્યાજ 1 એપ્રિલથી લાગૂ કરાયું છે. નવા દર સીમિત સમયની તુલનામાં 0.25 બેસિસ પોઈન્ટ વધારે છે. SBIની તરફથી હોમ લોનના ન્યૂનતમ વ્યાજ દરને વધાર્યા બાદ અન્ય બેંક પણ આ રીતના પગલા લઈ શકે છે.  

 
કેટલી રહેશે પ્રોસેસિંગ ફી
બેંકે હોમ લોન પર એકીકૃત પ્રોસેસિંગ શુલ્ક પણ લગાવ્યું છે. આ લોનની રકમના 0.40 ટકા અને માલ અને સેવા કરના રૂપમાં હશે. આ સિવાય પ્રોસેસિંગ શુલ્ક ન્યૂનતમ 10000 રૂપિયા અને વધુમાં વધુ 30000 રૂપિયા હશે. આ મહિને એસબીઆઈએ હોમ લોન પર પ્રોસેસિંગ શુલ્ક 31 માર્ચ સુધી માફ કરવાની જાહેરાત કરી હતી.