કર્ણાટકના હિજાબ વિવાદની આગ હવે ગુજરાતમાં પણ જોવા મળી છે. સુરતની પી.પી.સવાણી સ્કૂલમાં હિજાબ પહેરીને આવેલા વિદ્યાર્થીનીઓ વિરોધ કરાયો હતો.
હિજાબ વિવાદની આગ ગુજરાતમાં
સુરતની પી.પી.સવાણી સ્કૂલની ઘટના
સ્કૂલમાં વિદ્યાર્થીનીઓ હિજાબ પહેરીને આવી
હિંદુ સંગઠન દ્વારા વિદ્યાર્થીનીઓનો વિરોધ
કર્ણાટકમાં હિજાબ વિવાદનો મુદ્દો અટકવાનું નામ નથી લઈ રહ્યો. હિજાબ પહેરવાના વિવાદને કારણે કર્ણાટકમાં શરૂ થયેલો આ વિરોધ હવે રાજ્યની વધુ ઘણી સ્કૂલ કોલેજોમાં ફેલાયો છે.ત્યારે બહૂ ચર્ચીત હિજાબ વિવાદની આગ હવે ગુજરાતમાં પ્રસરી જવા પામી છે. સુરતની પી.પી.સવાણી સ્કૂલમાં પ્રખરતા શોધ કસોટીનું આયોજન કરવામાં આવ્યું હતું. જેમાં કેટલીક વિદ્યાર્થીનીઓ હિજાબ પહેરીને સ્કૂલમાં આવી હતી. આ વાતની જાણ જ્યારે સુરતના હિંદુ સંગઠનનો થતાં તેઓ તાબડતોબ સ્કૂલમાં આવી ગયાં હતાં.
હિંદુ સંગઠન દ્વારા વિદ્યાર્થીનીઓ સામે વિરોધ કરાયો
અને હિજાબ પહેરીને આવેલી વિદ્યાર્થીનીઓ સામે વિરોધ કરવામાં આવ્યો હતો. જો કે, આ વાતની જાણ શાળાના સંચાલકોને થતાં તેઓ તાત્કાલિક પોલીસને સ્કૂલમાં બોલાવી લીધી હતી. પોલીસે સ્કૂલ બહારથી હિંદુ સંગઠનના આગેવાનોની અટકાયત કરાઈ હતી.
હિજાબ પર વિવાદ ક્યારે શરૂ થયો ?
ઉલ્લેખનીય છે કે, કર્ણાટકમાં હિજાબને લઈને વિવાદ 1 લી જાન્યુઆરીથી શરૂ થયો છે.કર્ણાટકના ઉડ્ડુપીમાં ઠ મુસ્લિમ વિદ્યાર્થીનીઓને હિજાબ પહેરવા બદલ કોલેજના કલાસરૂમમાં બેસવા પર પ્રતિબંધ ફરમાવવામાં આવ્યો છે. કોલેજ મેનેજમેન્ટે નવી યુનિફોર્મ પોલિસીને આ માટેનું કારણ ગણાવ્યું હતું. ત્યારબાદ યુવતીઓએ કર્ણાટક હાઈકોર્ટમાં અરજી દાખલ કરી હતી.