કોરોનાનો નવો વેરિએન્ટ ઓમિક્રોન આખી દુનિયામાં તબાહી મચાવી રહ્યો છે. ઓમિક્રોનના ત્રણ પેટા સ્ટ્રેન છે, જેમાં BA.1, BA.2 અને BA.3 છે. બ્રિટનમાં અત્યાર સુધી BA.1 સ્ટ્રેનનો કહેર હતો. પરંતુ હવે એવુ કહેવાઈ રહ્યું છે કે બ્રિટનમાં પણ BA.2 સ્ટ્રેન આવી ચૂક્યો છે.
ઓમિક્રોન આખી દુનિયામાં મચાવી રહ્યો છે તબાહી
બ્રિટનમાં મળ્યો સૌથી ઘાતક ઓમિક્રોનનો BA.2 સ્ટ્રેન
બ્રિટનમાં ઓમિક્રોનના BA.2 સ્ટ્રેનના 53 મામલા સામે આવ્યાં
BA.2 સ્ટ્રેન ઓમિક્રોનનો સૌથી ઝડપથી ફેલાતો વેરિએન્ટ
BA.2 સ્ટ્રેન ઓમિક્રોનનો સૌથી ઝડપથી ફેલાતો વેરિએન્ટ છે. એક મીડિયા રિપોર્ટ મુજબ, હાલમાં યુકે હેલ્થ સિક્યોરિટી એજન્સીએ બ્રિટનમાં ઓમિક્રોનના 53 સિક્વન્સની ઓળખ કરી છે. યુકેએચએસએ મુજબ, બ્રિટનમાં ઓમિક્રોનના BA.2 સ્ટ્રેનના 53 મામલા સામે આવ્યાં છે. જો કે, હેલ્થ એજન્સીએ કહ્યું છે કે સૌથી ઝડપથી ફેલાતો ઓમિક્રોન વેરિએન્ટના લક્ષણ ખૂબ જ ગંભીર છે. યુકેએચએસએએ કહ્યું, અમે આ વાતને લઇને આશ્વસ્ત છે કે ઓમિક્રોનની ગંભીરતા પુખ્ત વયના લોકો પર ઓછી છે. યુકેએચએસએ એ ચેતવણી આપી છે કે BA.2 સ્ટ્રેનના 53 સિક્વન્સ છે, જે ઘણા વધારે સંક્રમક છે. તેનો કોઈ ખાસ મ્યુટેશન નથી. જેના કારણે તેને સરળતાથી ડેલ્ટા વેરિએન્ટથી અલગ કરી શકાય છે. તેના થોડા દિવસ પહેલાં ઈઝરાયલમાં ઓમિક્રોનનો આ સ્ટ્રેન મળ્યો હતો. તો અન્ય એક અખબાર મુજબ, દેશમાં આવા પ્રકારના 20 કેસોની ઓળખ થઇ છે.
ઘણા દેશોમાં ઓમિક્રોનનો BA.2 સ્ટ્રેન
રિપોર્ટ મુજબ, હજી આ સાબિત થયુ નથી કે BA.2 સ્ટ્રેન ઓમિક્રોનથી વધુ ખતરનાક છે કે નહીં. જો કે, બ્રિટનમાં કહેવામાં આવી રહ્યું છે કે આ સ્ટ્રેન સૌથી વધુ સંક્રમિત અને ઘાતક પણ છે. BA.2 સ્ટ્રેન અત્યાર સુધી ઘણા દેશોમાં પહોંચી ગયો છે. ડેનમાર્ક, ઓસ્ટ્રેલિયા, કેનેડા, ચીન ભારત અને સિંગાપોરમાં ઓમિક્રોનના વેરિએન્ટ પહેલેથી જ જોવા મળ્યા છે. વિશ્વ સ્વાસ્થ્ય સંગઠન મુજબ, ઓમિક્રોન વેરિએન્ટના ત્રણ સ્ટ્રેન છે, BA.1, BA.2 અને BA.3. ડબલ્યુએચઓ મુજબ, BA.1 અને BA.3ના સ્પાઈક પ્રોટીનમાં 69 થી 70 ડિલેશન છે, જ્યારે BA.2માં નથી.