ભારત / દારૂના વેપારમાં પણ મંદી! આ વર્ષે વેચાણની ગતિમાં જોવા મળ્યો ઘટાડો

• દારૂના ધંધા પર મંદી અને કેટલાક રાજ્યોના પુરની અસર
• સપ્ટેમ્બર ત્રિમાસિકમાં વેચાણ માત્ર 1.4 ટકા વધ્યું

શું રહ્યું કારણ

ગત વર્ષે આ સમયમાં IMFLનું વેચાણ 13 ટકા જેટલું વધ્યું હતું. અર્થવ્યવસ્થામાં આવેલ મંદી, કેટલાક રાજ્યોમાં પૂર અને ટેક્સ વધવાનું કારણ બતાવામાં આવી રહ્યું છે. જાણકારોનું માનવુ છે કે દારૂના વપરાશમાં ઘટાડો થઇ રહ્યો છે અને ખાસકરીને ગ્રામીણ વિસ્તારમાં સૌથી વધુ ઘટાડો જોવા મળી રહ્યો છે. 
 

વોડકા અને જિનના વેચાણમાં ઘટાડો

જુલાઇથી સપ્ટેમ્બરના ત્રિમાસિકમાં દેશમાં બનેલા વિદેશ દારૂ (IMFL)નું વેચાણમાં 1.4 ટકાનો વધારો થયો છે, જ્યારે ગત વર્ષે આ સમયમાં વેચાણમાં 12.9 ટકા વધારો થયો. વ્હિસ્કી અને બ્રાંડીના વેચાણમાં વધારો થયો છે, પરંતુ આ દરમિયાન વોડકા અને જિનના વેચાણમાં ઘટાડો થયો છે. 
 

IMFL ભારતમાં બનેલી વિદેશી દારૂ છે, જેનુ કુલ વેચાણમાં અંદાજે 70 ટકા ભાગીદારી છે. જેમાં રોયલ સ્ટેગ, મેકડૉવલ, બ્લેન્ડર્સ પ્રાઇડ અને ઓફિસર્સ ચોઇસ જેવી બ્રાન્ડ મુખ્ય છે. એપ્રિલથી જૂનના ત્રિમાસિક દરમિયાન આ સેગમેન્ટના વેચાણમાં માત્ર 2 ટકા જ વધારો થયો હતો. આ દરમિયાન ચૂંટણીના કારણે કેટલીક જગ્યા પર રોક લાગી હતી. 

ભારત દુનિયામાં દારૂના મોટા માર્કેટમાંનું એક છે. આ વર્ષે જાન્યુઆરીથી માર્ચ દરમિયાન ભારતમાં IMFLના 9.1 કરોડની વપરાશ થઇ હતી.