હવે દરેક રાજ્યના વાહનો માટે હાઈ સિક્યુરિટી નંબર પ્લેટ (High Security Number Plate) જરૂરી બની છે. તમારી પાસે ટુ વ્હીલર હોય કે ફોર વ્હીલર તમારે હાઈ સિક્યુરિટી નંબર પ્લેટ લગાવવી જરૂરી છે. સાથે કલર કોડ સ્ટીકરનો ઉપયોગ કરવાનું પણ જરૂરી રહેશે. જાણો કઈ જગ્યાએ કેટલા રૂપિયા ખર્ચ કરીને ઓનલાઈન રજિસ્ટ્રેશન કરાવી શકાય છે અને નંબર પ્લેટની ઝંઝટમાંથી મુક્તિ મેળવી શકાય છે.
દરેક વાહન માટે HSRP બન્યું જરૂરી
સરકારે જાહેર કર્યો છે આદેશ
આ છે ઓનલાઈન પ્રોસેસ અને અંદાજિત ખર્ચ
દિલ્હીમાં એક એપ્રિલ 2019થી પહેલાં દરેક વાહનોને માટે હાઈ સિક્યોરિટી રજિસ્ટ્રેશન પ્લેટ (HSRP) અને કલર કોડવાળા સ્ટીકર લગાવવાનું અનિવાર્ય બન્યું છે. વાહન માલિકોએ 30 ઓક્ટોબર પહેલાં તેને લગાવવાનું રહેશે. આ પછી HSRP ન લગાવવા માટે 5000થી 10000 રૂપિયા સુધીનો દંડ ભરવાનો રહેશે. આ નિયમ સરકાર દ્વારા જાહેર કરાયો છે. આ નંબર પ્લેટ્સ રાજ્યમાં દરેક ઓટોમોબાઈલ ડીલર્સ દ્વારા લગાવાશે. ગ્રાહક જ્યારે નંબર પ્લેટ માટે રાજ્યના હાઈ સિક્યુરિટી રજિસ્ટ્રેશન પ્લેટના પોર્ટલ પર રજિસ્ટર કરવાનું શરૂ કરી શકે છે. સાથે ઓનલાઈન પ્રક્રિયામાં તે સ્ટેટસ પણ ચેક કરી શકે છે. જો તમે આ મુશ્કેલીથી બચવા ઈચ્છો છો તો અહીં સરળ સ્ટેપ્સની ઓનલાઈન પ્રોસેસ આપવામાં આવી છે તેની મદદ લો અને નંબર પ્લેટની ઝંઝટમાંથી મુક્તિ મેળવી શકાય છે.
જાણો કેટલો થશે ખર્ચ
અલગ અલગ વાહનો માટે HSRPની કિંમતો અલગ અલગ હોય છે, જેમકે કાર માટે 600-1000 રૂપિયાની વચ્ચે, ટુવ્હીલર માટે તેની કિંમત 300-400 રૂપિયા સુધીની હોય છે. તમે HSRP માટે ઓનલાઈન પ્રોસેસની મદદથી પણ અરજી કરી શકો છો.
આ રીતે કરી લો ઓનલાઈન અરજી, જાણો સરળ પ્રોસેસ
હાઈ સિક્યુરુટી નંબર પ્લેટ માટે અરજી કરવા માટે સૌ પહેલાં bookmyhsrp.com/index.aspx પર જાઓ.
અહીં તમને Private Vehicle (પર્સનલ વ્હીકલ) અને Commercial Vehicle (વેપાર વાહન) ના 2 વિકલ્પ મળશે. અહીં તમે વિકલ્પ પસંદ કરો.
જો Private Vehicle પર ક્લિક કરશો તો તમને પેટ્રોલ (Petrol),ડીઝલ (Diesel), ઈલેક્ટ્રિક વ્હીકલ (Electric Vehicle), સીએનજી (CNG) અને સીએનજી તથા પેટ્રોલ (CNG+Petrol) ના વિકલ્પમાંથી પસંદગી કરવાની રહેશે.
પેટ્રોલ ટાઈપ પર ક્લિક કરો છો તો વાહનોની કેટેગરી ખૂલશે. તેમાં તમારે બાઈક, કાર, સ્કૂટર, ઓટો, ભારે વાહનોના વિકલ્પમાંથી એકને પસંદ કરવાનો રહેશે.
હવે વાહનની કંપનીને પસંદ કરવાની રહેશે. તમારું વાહન જે કંપનીનું છે તેની પર ક્લિક કરો.
હવે રાજ્યનો વિકલ્પ ભરવાનો રહેશે અને પછી તમારા ડીલર્સના વિકલ્પ પણ દેખાશે.
ડીલર પસંદગી બાદ વાહનની જાણકારી ભરવાની રહેશે. જેમાં રજિસ્ટ્રેશન નંબર, રજિસ્ટ્રેશનની તારીખ, એન્જિન નંબર, ચેસિસ નંબર, ઈમેલ આઈડી તથા મોબાઈલ નંબર ભરવાનો રહેશે.
આ પછી એક નવી વિંડો ખુલશે. તેમાં વાહન માલિકનું નામ, સરનામું અને અન્ય જાણકારી ભરવાની રહેશે. આ સિવાય વાહનની આરસી અને આઈડી પ્રૂફ પણ અપલોડ કરવાના રહેશે. મોબાઈલ ઓટીપી જનરેટ થશે.
આ પછી તમને વાહનના બુકિંગનો સમય અને દિવસ દેખાશે. તેને ભરો.
છેલ્લે પેમેન્ટ વિકલ્પ દેખાશે. તમે તે ભરીને ઓકે કરશો તો તમારી પ્રોસેસ પૂરી થશે.