હાઈપ્રોફાઈલ / દુષ્કર્મ કેસમાં પીડિતાને મદદ કરનાર બુટલેગર અલ્પુ સિંધી ઝડપાયો, આજે અશોક જૈનને કોર્ટમાં રજૂ કરી રિમાન્ડની માંગ કરાશે

• બુટલેગર અલ્પુ સિંધીને વડોદરા લવાયો
• કેવી રીતે ઝડપાયો આરોપી અશોક જૈન 
• પોલીસે 700 સીસીટીવી કેમેરાની તપાસ કરી 

દુષ્કર્મ કેસના તમામ આરોપીઓ ઝડપાયા બાદ તપાસનો ધમધમાટ શરૂ થયો છે ત્યારે આજે આરોપી અશોક જૈનને મેડિકલ ટેસ્ટ માટે ગોત્રી હોસ્પિટલ લઈ જવાયો હતો, આજે  અશોક જૈનનો RTPCR રિપોર્ટ નેગેટિવ આવતાં તેની ધરપકડ કરાઈ છે. જોકે આરોપીએ આગોતરા જામીન અરજી કરી હતી તેના પર આજે સુનાવણી છે, તો આજે બપોર બાદ આરોપીને કોર્ટમાં રિમાન્ડ માટે પણ રજૂ કરવામાં આવશે, તેમજ વધુ મેડિકલ ચેકઅપ માટે અશૌક જૈનને ગોત્રી હોસ્પિટલ લઈ જવાશે, 

બુટલેગર અલ્પુ સિંધીને વડોદરા લવાયો

વડોદરામાં ચકચારી દુષ્કર્મ કેસમાં પીડિતાને મદદ કરનાર બુટલેગર અલ્પુ સિંધીની પણ પોલીસે ધરપકડ કરી છે, પોલીસે ગઈકાલે હરિયાણાના ગુરૂગ્રામથી ધરપકડ કરાઈ હતી જે બાદ બુટલેગર અલ્પુ સિંધીને વડોદરા લવાયો હતો. મહત્વનું છે કે આરોપી અશોક જૈન અને અલ્પુ સિંધી વચ્ચેની ઓડિયો ક્લિપ વાયરલ થઈ હતી જે બાદ પીડિતાએ ફરિયાદ નોંધાવી હતી. પોલીસ અલ્પુ સિંધી અને અશોક જૈનને સામસામે બેસાડી  પૂછપરછ કરશે તેવું મનાઈ રહ્યું છે, જ્યારે પીડિતાને પણ ક્રાઈમ બ્રાન્ચ પૂછપરછ માટે બોલાવાશે જો કે  અલ્પુ સિંધીની પ્રોહિબિશન કેસમાં ધરપકડ કરાઈ હોવાનું મનાઈ રહ્યું છે.  

કેવી રીતે ઝડપાયો આરોપી અશોક જૈન 

વડોદરા હાઇપ્રોફાઇલ દુષ્કર્મ કેસમાં આરોપી અશોક જૈનની ધરપકડ કરાઇ છે. જે બાદ ક્રાઈમ બ્રાન્ચ દ્વારા તપાસનો ધમધમાટ શરૂ કરાયો છે. દુષ્કર્મ કેસના તમામ આરોપીઓને ઝડપી લેવામા આવ્યા છે જો કે દુષ્કર્મ બાદ વડોદરા છોડીને ભાગતા ફરતા અશોક જૈનની પોલીસે પાલીતાણાથી ધરપકડ કરી હતી, અરોપી અશોક જૈનને પકડવા માટે પોલીસે રાજસ્થાન અને એમપી તથા મહારાષ્ટ્રમાં શોધખોળ શરૂ કરી હતી. જોકે આરોપી ફરાર હતો તે દરમિયાન તેને આગોતરા જામીન અરજી પણ કરી હતી. 

પોલીસે 700 સીસીટીવી કેમેરાની તપાસ કરી 

જો કે આ  દરમિયાન એ વખતે અશોક જૈને આગોતરા જામીન અરજી કરતાં કાયદાકીય કાર્યવાહી પણ શરૂ થઈ હતી. એ જ વખતે અશોક જૈન બે દિવસ પહેલાં વડોદરા આવ્યો હોવાની પોલીસને જાણ કરતાં પોલીસે તપાસ કરી હતી. જેમાં શહેરમાં પ્રવેશવાના તથા શહેરની અંદરના જંકશનોના 700થી વધુ સીસીટીવી ફૂટેજ પોલીસે ચેક કરતાં પોલીસને અશોક જૈન હાઇવે પર તેના ભત્રીજા દીપેશ ઉર્ફે શ્રેયાંશની કારમાં બેઠેલો જોવા મળ્યો હતો. જે બાદ અશોક જૈન બે દિવસ સુધી વડોદરામાં કયાં કયાં ગયો હતો એની તપાસ કરી હતી અને વેશપલટો કરી તેનો પીછો કરી એ જે સ્થળે રોકાયો હતો. એ સ્થળ સુધી પોલીસ પહોચી ગઇ હતી.

આરોપી અશોક જૈન ઓનલાઇન ટ્રાન્ઝેકશન ઉપયોગ પણ ટાળતો 

પોલીસે તેના ભત્રીજાને બોલાવી તથા નિકટના પરિવારના સભ્યોને બોલાવી ઊંડી પૂછપરછ કરી હતી જેમાં આરોપી અશોક જૈન અમદાવાદ થઇને બગોદરા તથા ધોલેરા તરફ ગયો હોવાનું જાણવા મળ્યું હતું. જેથી પોલીસ ધોલેરા સુધી પહોંચી હતી અને ત્યાર બાદ તે પાલિતાણામાં હોવાની બાતમી મળતાં પોલીસે પાલીતાણા ધર્મશાળાથી અશોક જૈનની ધરપકડ કરી હતી. જો કે અશોક જૈન પોલીસથી બચવા માટે ઓનલાઇન ટ્રાન્ઝેકશન ઉપયોગ પણ ટાળતો હોવાનું સામે આવ્યું છે. આ દરમિયાન અશોક જૈને પોતાની પાસે 5 લાખ રોકડ રાખ્યા હતા જો કે  6 હજાર કિ.મી રખડયા બાદ તે પોલીસે દોઢ લાખની રોકડ રકમ સાથે આરોપીને ઝડપી પાડ્યો હતો.
 

રાજુ ભટ્ટની મંદિર ટ્રસ્ટ તરીકે હકાલ પટ્ટી

રાજુ ભટ્ટની મંદિર ટ્રસ્ટ તરીકે હકાલ પટ્ટી હાઇપ્રોફાઇલ દુષ્કર્મ કેસમાં પાવાગઢ મંદિર ટ્રસ્ટે મહત્વનો નિર્ણય કર્યો છે કે રાજુ ભટ્ટની મંદિર ટ્રસ્ટ તરીકે હકાલ પટ્ટી થશે, રાજુ ભટ્ટને ટ્રસ્ટી તરીકે હટાવવા માટે ચેરિટી કમિશ્નરને દરખાસ્ત મોકલવામાં આવી છે, રાજુ ભટ્ટે જાતે જ ગુનો કબૂલી લીધો હોવાથી મંદિર ટ્રસ્ટે આ રાજુ ભટ્ટની હકાલ પટ્ટીનો નિર્ણય કર્યો છે.