તણાવ / LAC પર ફાયરિંગ મુદ્દે ઉચ્ચ સ્તરીય બેઠક, રાજનાથની અધ્યક્ષતાવાળી બેઠકમાં અજીત ડોભાલ સહિત આ લોકો રહેશે હાજર

• રક્ષામંત્રી રાજનાથસિંહની અધ્યક્ષતામાં મળશે બેઠક
• CDS બિપીન રાવત, NSA અજીત ડોભાલ અને આર્મી ચીફ રહેશે ઉપસ્થિત
• હાલની સ્થિતિ પર પ્રધાનમંત્રીને જાણકારી અપાઈ

LAC પર ફાયરિંગને લઈને ઉચ્ચ સ્તરીય બેઠક યોજાશે.  રક્ષામંત્રી રાજનાથસિંહની અધ્યક્ષતામાં આ બેઠક  મળશે. જેમાં CDS બિપીન રાવત, NSA અજીત ડોભાલ અને આર્મી ચીફ ઉપસ્થિત રહેશે.  ઉલ્લેખનીય છે કે હાલની સ્થિતિ પર પ્રધાનમંત્રીને જાણકારી અપાઈ છે.

LACને લઈને ચીની દાનત ખારા કોપરા જેવી છે. હવે તે અરુણાચલ પ્રદેશ પર પણ પોતાનો હક જમાવી રહ્યું છે. એક તરફ તેના રક્ષામંત્રીએ મોસ્કોમાં રાજનાથને મળવા માટે આજીજી કરી. રાજનાથ સાથે ચીની રક્ષા મંત્રીની બેઠક બાદ ચીને પોતાનો રંગ બતાવી તમામ જવાબદારી ભારતના માથે નાંખી દીધી હતી. એટલું જ નહીં તે વારંવાર વાતચીતથી સમસ્યા ઉકેલવાનો ડોળ કરે છે. ત્યારે ભારત માટે આ ખબૂ જ ગંભીર સમસ્યા છે. ચીન વારંવાર ભારતીય સૈન્ય અને સ્થાનિકોને હેરાન કરી રહ્યું છે. જેને પગલે હાલમાં રાજનાથની અધ્યક્ષતામાં એક બેઠક યોજાવા જઈ રહી છે. જેમાં ચીનના ઈરાદા, તેની સરહદ પર પોઝિશન અને તેની યુદ્ધ અને રણનીતિની ચર્ચા થઈ શકે છે.