અમદાવાદ જેવા મહાનગરમાં પણ રોડ પર ભૂવા પડવાની અને રસ્તાઓ પર ખાડા પડવાની સ્થિતિ મુદ્દે AMCની ગુજરાત હાઈકોર્ટે કાઢી ઝાટકણી
રોડ-રસ્તા મામલે હાઇકોર્ટે કાઢી ઝાટકણી
સરકાર અને AMCને જવાબ આપવા આદેશ
તમારી બેદરકારી લોકોને જોખમમાં મુકી રહી છે: હાઇકોર્ટ
રાજ્યમાં વરસાદ બાદ રોડ રસ્તાની હાલત બિસ્માર બની છે, ઠેર ઠેર રસ્તાઓ પર ખાડા, ભૂવાઓ જોવા મળી રહ્યા છે, રાજ્યના અનેક શહેરોમાં રોડ રસ્તાની હાલત કથડી છે, તો આ તરફ અમદાવાદ જેવા મહાનગરમાં પણ રોડ પર ભૂવા પડવાની અને રસ્તાઓ પર ખાડા પડવાની સ્થિતિ મુદ્દે AMCની ગુજરાત હાઈકોર્ટે ઝાટકણી કાઢી છે.
રોડ-રસ્તા મામલે હાઇકોર્ટે કાઢી ઝાટકણી
શહેરમાં રોડ રસ્તાને લઈને AMCની ઝાટકણી કરાઢતા કોર્ટે થયું છે કે પહેલા રોડ રસ્તા સારા બનાવો કેમ કે તમારી બેદરકારી લોકોને જોખમમાં મૂકી રહી છે,સાથે જ હાઈકોર્ટે રાજ્ય સરકાર અને AMCને જવાબા આપવાનો આદેશ કર્યો છે.
સરકાર અને AMCને જવાબ આપવા આદેશ
હાઈકોર્ટે કહ્યું કે અમારા આદેશનું પાલન થાય છે કે કેમ તેનો જવાબ આપો, સાથે રાજ્ય સરકારને ટકોર કરતા કોર્ટે કહ્યું કે તેમજ બિસ્માર રોડ માટે જવાબદાર અધિકારીઓ સામે કેમ પલગા લેતા નથી, તમારી બેદરકારી લોકોને જોખમમાં મુકી રહી છે. આમ હાઈકોર્ટે સખ્ત વલણ અપનાવતા AMC અને રાજ્ય સરકારની ઝાટકણી કાઢતા આકરો વલણ અપનાવ્યું છે.
તમારી બેદરકારી લોકોને જોખમમાં મુકી રહી છે: હાઇકોર્ટ
મહત્વનું છે કે ગઈ કાલે જ કેબિનેટ મંત્રી પૂર્ણેશ મોદીએ કહ્યું,'ભારે વરસાદથી રસ્તાઓની હાલત કથળી હતી' ચોમાસા દરમિયાન સમગ્ર રાજ્યની અંદર જે પ્રકારે રસ્તાઓની બિસ્માર સ્થિતિ જોવા મળી હતી. તેને લઈને પ્રજાની હાલાકી ખૂબ મોટા પ્રમાણમાં વધી હતી. રાજ્યભરની અંદર જે સ્થિતિ ઊભી થઈ હતી તેને લઈને માર્ગ અને મકાન મંત્રી પૂર્ણેશ મોદી દ્વારા તમામ ફરિયાદો પોતાના વોટસએપ પર મોકલવા માટે કહેવામાં આવ્યું હતું. હજારોની સંખ્યામાં ફરિયાદો મળ્યા બાદ અમે એને તાત્કાલિક અસરથી રિપેર કરવાનો પ્રયાસ કર્યો હતો તેવું તેમણે જણાવ્યું છે,
વરસાદના કારણે રસ્તાઓ ધોવાયા
વધુમાં તેમણે કહ્યું કે માર્ગ અને મકાન મંત્રી તરીકે મારી પહેલી જવાબદારી વરસાદના કારણે રસ્તાઓ ધોવાયા તેને તાત્કાલિક અસરથી રીપેરીંગ કરીને પ્રજાને મુશ્કેલીઓ હલ કરવાની છે પૂર્ણેશ મોદી એ કહ્યું કે અમારા વિભાગ દ્વારા સતત વરસાદ જ્યારે પણ થોડા સમય માટે બંધ રહ્યો હતો ત્યારે આ કામગીરી ખૂબ જ ઝડપથી કરવામાં આવી હતી. તો આ તરફ અમદાવાદ શહેરમાં રોડ રસ્તાની સ્થિતિ મુદ્દે હાઈકોર્ટે રાજ્ય સરકાર અને AMCની ઝાટકણી કાઢી છે.