રાજકોટ / સૌરાષ્ટ્ર યુનિ.ના માટી કૌભાંડ મામલે હાઈકોર્ટ એક્શનમાં: આપ્યા તપાસના આદેશ, 28 ફેબ્રુઆરી સુધીમાં રિપોર્ટ જમા કરાવવો

• સૌરાષ્ટ્ર યુનિ,ના માટી કૌભાંડમાં તપાસના આદેશ
• ફરી તપાસ કરવા હાઈકોર્ટનો આદેશ
• 23 ફેબ્રુઆરી સુધી રિપોર્ટ જમા કરાવવા આદેશ

સૌરાષ્ટ્ર યુનિવર્સિટી ના માટી કૌભાંડ મામલે હાઈકોર્ટ એક્શનમાં આવી છે. વાત જાણે એમ છે કે, ગુજરાત હાઇકોર્ટે સૌરાષ્ટ્ર યુનિવર્સિટી ના માટી કૌભાંડમાં ફરી તપાસના આદેશ આપ્યા છે. હાઇકોર્ટે 28 ફેબ્રુઆરી સુધી તપાસ કરીને રિપોર્ટ આપવા આદેશ કર્યો છે. નોંધનીય છે કે, અગાઉ સૌરાષ્ટ્ર યુનિવર્સિટી ના સ્પોર્ટસ કોમ્પલેક્ષ પાસે બ્યુટીફિકેશનમાં માટી કૌભાંડ થયું હતું. ટ્રેક્ટર સાથે કારના 7 લાખ રૂપિયાનું બિલ મુકીને આચરવામાં કૌભાંડ આવ્યું હતું. 

સૌરાષ્ટ્ર યુનિવર્સિટી ના માટી કૌભાંડ ફરી એકવાર તપાસના આદેશ આપ્યા છે. ભૂતકાળ પર નજર કરીએ તો સૌરાષ્ટ્ર યુનિવર્સિટી ના સ્પોર્ટસ કોમ્પલેક્ષ પાસે બ્યુટીફિકેશનનું કામ હાથ ધરાયું હતું. જેમાં તત્કાલિન શારીરિક શિક્ષણ નિયામક જતીન સોનીની બેદકારીથી કૌભાંડ થયું હોવાનું સામે આવ્યું હતું. વિગતો મુજબ ટ્રેકટર મારફત 963 માટીના ફેરા કરીને 7.20 લાખનું બીલ ચુકવાયું હતું. જેમાં કોઈપણ પ્રકારની ટેન્ડર પ્રક્રિયા કરવામાં આવી ન હતી. તેમજ બીલમાં ટ્રેકટરના બદલે કારના નંબર નખાતા તેને ઓડીટ વિભાગે શોધી કાઢતા આ કૌભાંડ સામે આવ્યું હતું. 

જતીન સોનીને મળી હતી કલીનચિટ 
સૌરાષ્ટ્ર યુનિવર્સિટી ના માટી કૌભાંડમાં ખોટા બીલો કરી ભ્રષ્ટાચાર આચરવામાં આવ્યો હોવાની ફરીયાદો ઉઠી હતી. આ પ્રકરણમાં NSUI દ્વારા સૌરાષ્ટ્ર યુનિવર્સિટી માં હલ્લાબોલ કરી તે સમયે જતીન સોની પાસેથી રાજીનામું માગવામાં આવ્યું હતું. જે બાદમાં સૌરાષ્ટ્ર યુનિવર્સિટી દ્વારા તપાસ કમીટી રચવામાં આવી હતી. જેમાં કાર્યકારી રજીસ્ટ્રાર જતીન સોનીને કલીનચીટ આપવામાં આવી હતી.

હવે હાઇકોર્ટે ફરી તપાસ કરવા આપ્યા આદેશ
ગુજરાત હાઇકોર્ટે ફરી સૌરાષ્ટ્ર યુનિવર્સિટી ના માટી કૌભાંડ તપાસ કરવા આદેશ આપ્યા છે. જેમાં હાઇકોર્ટે 28 ફેબ્રુઆરી સુધી તપાસ કરીને રિપોર્ટ આપવા આદેશ કર્યો છે. યુનિવર્સિટીના સ્પોર્ટસ કોમ્પલેક્ષ પાસે બ્યુટીફિકેશનમાં માટી કૌભાંડમાં ટ્રેક્ટર સાથે કારના 7 લાખ રૂપિયાનું બિલ મુકીને કૌભાંડ આચરવામાં આવ્યું હતું. 

વિધાનસભામાં પણ ગાજ્યું હતું જમીન કૌભાંડ 
મહત્વનું છે કે, તત્કાલિન શારીરિક શિક્ષણ નિયામક જતીન સોનીની બેદકારીથી આ કૌભાંડ થયું હોવાનું સામે આવ્યું હતું. તો બીજી તરફ જતીન સોનીએ સ્વૈચ્છીક નિવૃતિ લઇ લીધી છે. આ કૌભાંડને લઇ કોન્ટ્રાક્ટરને પણ બ્લેક લિસ્ટ કરવામાં આવ્યો હતો. મહત્વનું છે કે, અગાઉ વિધાનસભામાં પણ જમીન કૌભાંડ ગાજ્યું હતું.