અમદાવાદઃ ગુજરાત પ્રદેશ કોંગ્રેસના માળખાને હાઈકમાન્ડે મંજૂરી આપી છે. આવતીકાલે સત્તાવાર જાહેરાત થવાની શક્યતાઓ સેવાઈ રહી છે. જેમાં 500 લોકોના માળખાની પ્રદેશ કોંગ્રેસે પ્રપોઝલ આપી હતી. હાઈકમાન્ડે 300 લોકોના માળખાને મંજૂરી આપી છે. ગત માળખા કરતા આ વખતનું માળખું જમ્બો હોવાની શક્યતા છે. કોંગ્રેસના પ્રદેશ માળખામાં 15 જેટલા ઉપપ્રમુખ હશે. યુવાનોને માળખામાં ખાસ સ્થાન આપવામાં આવ્યું છે.
મહત્વનું છે કે પ્રદેશ કોંગ્રેસ પ્રમુખ અમિત ચાવડા વિપક્ષ નેતા પરેશ ધાનાણી સહિતના નેતાઓએ દિલ્હી હાઇકમાન્ડ સાથે વિસ્તૃતમાં ચર્ચા કરી હતી. ત્યારે રાજ્ય પ્રભારી રાજીવ સાતવ પાસે રહેલ લીસ્ટ પર હાઇકમાન્ડે મંજૂરી આપી દીધી છે.
આગામી 2019ની ચૂંટણીને ધ્યાનમાં રાખીને તમામ નિમણૂંક એક સાથે જાહેર કરવાનું વર્ણવ્યું હતું. ત્યારે પ્રદેશ કોંગ્રેસ માળખા સહિત પ્રદેશ કમિટીઓ બેઠકોના નિરીક્ષકો લોકસભા બેઠક ઇન્ચાર્જ અને જીલ્લા પ્રમુખોની નિમણૂંક એક સાથે જાહેર કરવામાં આવે તેવી શક્યતાઓ છે.