તમારા કામનું / નોર્મલ લાગે તો પણ પગમાં આવા લક્ષણો દેખાય તો નજરઅંદાજ ન કરતાં, હોય શકે છે આ ગંભીર બીમારી

• પગ પણ આપે છે કેલેસ્ટ્રોલનાં હાઈ સંકેતો 
• પગનું ઠંડુ પડી જવું છે એક સંકેત 
• સાથે જ પગની સ્કીનનો કલર ચેંજ થાય તો ચેક અપ જરૂર કરાવો 

આપણે સામાન્ય રીતે હાઈ કેલેસ્ટ્રોલની જાણકારી વધતા વજન અને પેટની ચરબીથી મેળવીએ છીએ પરંતુ તેની જાણકારી ઘણા બીજા પ્રકારે પણ મેળવી શકાય છે. આ એક પ્રકારનું ફેટ છે, જેનાં નિર્માણમાં લિવરનું મુખ્ય યોગદાન રહે છે. શરીરમાં બનનાર બેડ કેલેસ્ટ્રોલ ડાયાબિટીસ અને હાર્ટ એટેક જેવી સમસ્યાઓ પેદા કરે છે. તમને જાણીને નવાઈ લાગશે કે હાઈ કેલેસ્ટ્રોલનાં લક્ષણોમાં પગની પણ ભૂમિકા છે. એટલા માટે અમુક સંકેતોને ઇગ્નોર કરવા જોઈએ નહીં. 

પગમાં ક્યા પ્રકારે જોઈ શકાય છે હાઈ કેલેસ્ટ્રોલનાં લક્ષણો 

1. પગનું ઠંડુ પડી જવું 
શીયાળામાં પગનું ઠંડુ પડી જવું એક સામાન્ય વાત છે, પણ જો કાળઝાળ ગરમીમાં પણ આમ થવા લાગે તો સમજી જાઓ કે કંઈક તો તકલીફ છે. આ શરીરમાં હાઈ કેલેસ્ટ્રોલનાં સંકેતો હોઈ શકે છે. આવી સ્થિતિમાં ચેક અપ જરૂર કરાવવું જોઈએ. 

2. પગની સ્કીનનો કલર ચેંજ થવો 
હાઈ કેલેસ્ટ્રોલને કારણે પગ તરફ થનાર બ્લડ સપ્લાય પર પણ અસર પડે છે, જેની અસર પગ પર સ્પષ્ટપણે જોઈ શકાય છે. લોહીની ઉણપને કારણે પગની સ્કીન અને નખનો રંગ બદલવા લાગે છે કેમકે લોહીનાં માધ્યમથી પહોંચતા ઓક્સિજન અને ન્યૂટ્રીઅન્સની સપ્લાયમાં પણ અસર પડે છે. 

3. પગમાં ખેંચાણ
ઘણા લોકોને રાત્રે સુતા સમયે પગમાં ખેંચાણ અનુભવાય છે, જે હાઈ કેલેસ્ટ્રોલનાં કોમન સંકેતો છે. આનો અર્થ એ છે કે તમારા શરીરનાં નીચલા હિસ્સાની નસોને નુકસાન પહોંચી રહ્યું છે. પગ ઉપરાંત, એડી, તર્જની કે પગની આંગળીઓમાં ખેંચાણ થાય છે, જેની અસર આપણી ઊંઘ પર પણ પડે છે. 

4. પગમાં દુખાવો થવો 
જ્યારે હાઈ કેલેસ્ટ્રોલને કારણે પગમાં બ્લડ સપ્લાય પર અસર પડે છે, ત્યારે પગમાં દુખાવો પણ થવા લાગે છે. આવી સ્થિતિમાં નોર્મલ વોક કરવું સરળ હોતું નથી.