જમ્મૂ-કાશ્મીર / ઘાટીમાં પાક સમર્થિત આતંકી કરી શકે છે હુમલો, સેના હાઇ એલર્ટ પર

કાશ્મીર ઘાટીનું વાતાવરણ ડહોળવા માટે પાકિસ્તાનના આતંકી સંગઠન હુમલો કરી શકે છે. જેને લઇને ભારતીય સેના, વાયુસેના અને સુરક્ષા બળોને હાઇ એલર્ટ પર રાખવામાં આવ્યાં છે. ગુપ્તચર એજન્સીને ફિદાયીન હુમલાના ઇનપુટ મળતા કઠુઆ અને સાંબા વિસ્તારને હાઇ એલર્ટ જાહેર કરવામાં આવ્યા છે. આ વિસ્તારોમાં સેનાની સુરક્ષા વધારવામાં આવી છે.

 

જ્યારે હાઇવે અને સરહદ પરની નજીકના વિસ્તારમાં સેના વધારે સર્તકતા રાખી રહી છે. મોડી રાતે જમ્મૂમાં જવાનોને એલર્ટ કરી દેવામાં આવ્યાં હતા. સેનાના જવાનો દ્વારે દરેક વાહનની તલાશી લેવામાં આવી રહી હતી.
 

ગુપ્તચર એજન્સીને મળેલા ઇનપુટમાં જમ્મૂ અને પઠાનકોટ વચ્ચે આ હુમલો કરવામાં આવે તેવી શક્યતા છે. આ ફિદાયીન હુમલો ભારતીય જવાનો તથા સુરક્ષા બળોના કેમ્પ પર કરવામાં આવી શકે છે. સૂત્રોને મળતી જાણકારી મુજબ કુઠઆના દરેક વિસ્તાર તેમજ પોલીસ સ્ટેશન પર સેના તૈનાત કરી દેવામાં આવી છે.

ઉલ્લેખનીય છે કે કેન્દ્ર સરકાર દ્વારા જમ્મૂ-કાશ્મીરમાંથી કલમ 370 હટાવ્યા બાદ કેન્દ્ર શાસિત પ્રદેશ જાહેર કર્યા બાદ જમ્મૂ-કાશ્મીરમાં સેના સાવચેતી રાખી રહી છે. જેને લઇને સેના એલર્ટ પર છે. જમ્મૂ-કાશ્મીરમાંથી કલમ 370 હટાવ્યા બાદથી આતંકીઓના  હુમલાની આશંકા જોવામાં આવી રહી છે. ગુપ્તચર એજન્સીના મળેલા ઇનપુટમાં પાકિસ્તાનમાંથી આતંકીઓ ઘૂસણખોરી કરી શકે છે.