એલર્ટ / પાકિસ્તાનમાં થઈ શકે છે ભયાનક આતંકી હુમલો, શંકાને પગલે ઇસ્લામાબાદમાં મોટી સંખ્યામાં સુરક્ષા દળો તૈનાત

• પાકિસ્તાનમાં મોટો ખતરો
• કોઈ મોટી અઘટિત ઘટનાને લઈને એલર્ટ
• ઠેક ઠેકાણે પોલીસ અને સુરક્ષાજવાનો તૈનાત કર્યા

પાકિસ્તાનમાં ખતરાની ચેતવણીને ધ્યાન રાખી પોલીસને રાજધાની ઈસ્લામાબાદ અને તેની આસપાસમાં સુરક્ષા વધારી દેવામા આવી છે. તેને સંબંધમાં સંવેદનશીલ વિસ્તારોમાં અને ઈમારતો પર પોલીસ કમાંન્ડો અને રેંજર્સ સહિત અધિક ફોર્સ તૈનાત કરી દેવામાં આવી છે. આ વાતની જાણકારી પાકિસ્તાનના આઈજીપી કાર્યાલયે આપી છે. ખતરાને લઈને ગુપ્તચર એજન્સીઓ દ્વારા કેટલીય જગ્યાઓ પર સર્ચ ઓપરેશન ચલાવામાં આવ્યા છે. આ વિસ્તારમાં નેલોર, તરનોલ, નૂન, સિહાલા, બાની ગાલા, કોરલ, લુઈ ભીર અને શહજાદ ટાઉન જેવા એરિયા સામેલ છે. 

કહેવાય છે કે, પોલીસે અત્યાર સુધીમાં 150 જેટલા ઘરોમાં તપાસ કરી રહી છે. આ ઉપરાંત પોલીસ 100 સંદિગ્ધોની તપાસ અને 25 બાઈક સવારને પણ તપાસમાં લીધા હતા. આ ઉપરાંત તેમની પાસેથી એક 12 બોરની બંદૂક અને 30 બોરની એક પિસ્તોલ પર ઝડપી પાડવામા આવી છે. આઈજીપી ઈસ્લામાબાદે કહ્યું કે, સર્ચ ઓપરેશનનો ઉદ્દેશ્ય રાજધાનીમાં સુરક્ષાને વધારવાનો હતો. તમામ જોનલ પોત પોતાના ક્ષેત્રોમાં સંચાલન ચાલુ રાખવાનો નિર્દેશ પણ આપી દેવામાં આવ્યો છે. 

રેડ ઝોનમાં અધિક પોલીસ ટુકડીઓ તૈનાત

પોલીસ વિભાગ તરફથી જણાવવામાં આવ્યું છે કે, રેડ ઝોનમાં અધિક પોલીસ ટુકડીઓ તૈનાત કરવામાં આવી છે. સાથે જ રાજધાની એક્ઝિટ અને એન્ટ્રી પોઈન્ટની તપાસ ઉપરાંત રેડ ઝોનમાં પણ બાજનજર રાખવામા આવી રહી છે. ઈસ્લામાબાદ નાગરિકો પાસેથી પોલીસે સહયોગની અપેક્ષા રાખી છે. આ ઉપરાંત સુરક્ષાને ળઈને અનાવશ્યક આંદોલનોને પરમિશન આપવામાં આવી નથી.